NUG National Unity Government Chun Yangon, Innya Ih Min Aung Hlaia In US dollar Million 10-in an Zuar.

NUG National Unity Government Chun Yangon, Innya Ih Min Aung Hlaia In US dollar Million 10-in an Zuar.

Yangon, Innya kawnga Min Aung Hlaian dik lo taka a pawng lak sorkar in chu NUG (National Unity Government) chuan US dollar maktaduai 10 chhiarin, chuta tang share hrang hrang (hlawm) mtd 1-ah thenin hralh a ni ang a, share pakhat zel man chu dollar 100-in mipui lamin an lei theih thu NUG chuan official-in a puang zar a ni.

The End of Dictatorship-EOD program rahbi bul tan nan firfiak sipai hotu Min Aung Hlaian dik lo taka a chhuhsak, sorkar ta (property), Yangon region, Kamayut township, Innya kawng, compounc no. 14-a inhmun leh building hralh chhuah theihna (pre-marketing) mipui ngaihdan lakna (public opinion) pakhat ruahman a ni a; chutianga ngaihdan lak a nih atanga ni 6 chhungin mi 18000 (zaa 98%) chuangin lei an duh a, an rawtna rate tak chu Kyat billion 34 chuang (US dollar mtd 17) vel a nih thu hriat a ni.

Firfiak sipai hotu Min Aung HLaian dik lo taka a chhuhsak sorkar ram acre 1.86-a zau, tunlai market rate-a US dollar maktaduai 30 chuang man a nih thu leh, NUG sorkar-in Min Aung Hlaia in a zawrh hunah tunlai market rate hmun 3-a thena hmun khat chiah, US dollar maktaduai 10 vel chiah hisap a, share nuai khat thleng hralh chhuah a ni ang a, share pakhat zelah US dollar 100 a ni ang.

Khawvel ram puma awmten an lei theih nan leh an hming pe a, hralh chhuah a nih tan hun chu a hrana ruahman a ni a, chu mi atan mahni remchan dana international representative-te hnen atanga lei theih a nih thu NUG chuan ni 24, Feb. 2022 daih tawhah thuchhuah a lo siam a. Chuta “Firfiak military council-in an hnehchhuh ram dan bulthutte” tih paragraph 4 leh 5 hmanga ruahhmanna siam niin, sipai thuneihna titawp tura thutlukna siama leitu zawng zawngte zahna chibai buk an nih thu NUG chuan thuchhuahah a tarlang tel bawk a ni.

Author: admin

Leave a Reply

Your email address will not be published.