2022 April 22 in April 30 tiang Chin National Army (CNA) a cawlcanghnak hmun le ram ah CNA a raltuk hawi hna le SAC ralhrang hna karlak ah kahdohnak a chuak i ralhrang a tlawm bik minung 61 an thi tiah CNA nih cathanh a chuah.
Cathanh a chuah mi chung ah, “Raal kan tuknak hmun hi Magwe Ramthen, Gangaw le Chin Ramkulh Hakha Peng chung ah a si. Gangaw in ralhraang thazaang 200 tluk he ke in a ra mi zong Hakha le Gangaw kar ah kan kah hna,” tiah CNA nih an tial.
CNA, CDF-Hakha le Htilin PDF hna i bawm in April 22 in April 30 tiang, ni 9 chung kahdohnak ah ralhraang minung 61 an thi i mizapi ralkap in minung pahnih nunnak a liam tiah theih a si.
Crd:THKP
