Palik Bawi Pakhat An Thah Leng Ah Pahnih An Tleih Hna

Karen ramkulh, Tantaung(သံတောင်) palik sakhan in Corporal(ရဲတပ်ကြပ်) Soe Min Htaih(စိုးမင်းထိုက်) le palik pakhat kan kah thah hna i Meithal le kuan zong kan chuh dih hna, tiah People Defense Force-Thandaung nih cathanh an chuah.Nihin May 5 zing sml 8:16 ah Thadaung khua palik sakhan in a rami Corporal Soe Min Htaih le palik pakhat cu, Thandaung -PDF nih an kah thah hna. Meithal zun hnih, meithal kuan le thilri cheukhat an chuh hna tiah theih a si.

Pago ramtthen, Taungyu pengkomh, Thantapin(ထန်းတပင်) peng Zayatgyi(ဇရပ်ကြီး) khua palek uk bawi Myo Win Thun @ Bo Ping(ဗိုလ်ပိန်) cu nihin May 5 zing Sml 10 tluk ah lakphak dawr a thut lio ah mizei ti hngalh lomi hriamtlai pawl nih an kahthah tiah thawng theih a si.Lakphak dawr ah zuun 6 in an kah, Hi ka ah hi a hlan ah a rak ttuan bal i a tu a rat thannak kumkhat fai lawng a si rih. Zei bantuk phu nih an kah cu theih a si lo, Palek le ralkap an rak phan colh i lam vialte an phih dih, CCTV zong an chek, tiah tualchung mi pakhat nih Yangon Khit Thit media ah a chim.

Palek bawi Myo Win Thun nih hin dohthlennak he aa pehtlai lo mi mino 6 a ruang um lo piin a tlaih hna tiah theih a si.Sakhan hmu(စခန်းမှူး) Bo Ping kahthah a ton hnu ah palek le ralkap pawl nih Zayatgyi khua chung ah meithal puah pah in an rak lut i chek hlatnak an tuah caah khuami mino pa pawl cu a zaam hna tiah theih a si.

Ralkap pawl an phan i meithal an puah thawng a thang taktak, a tu ah cun khuachung a king tuk. Ning ttih a hruai, ruah lo piin tlaih an si nak hnga lo mino pa pawl cu a zaam dih,” tiah tualchung mi nih a chim chap.

 

 

Crd:TCP

Author: admin

Leave a Reply

Your email address will not be published.