Matupi le Mindat kar motor lampi zulh in a ra mi SAC ralhraang hna cu CDF Mindat nih nihin, 2022 May 4, zaanlei suimilaam 3:30 in 5:30 tiang an kah hna i ralhraang lei minung panga an thi, CDF lei in minung pakhat nih ram ca ah nunnak a pek ve tiah theih a si.
CDF Mindat ralkap pakhat nih, “Sau ngai kan i kap. Anmah lei minung panga an thi i hliam a tuar mi zong an tam. Suimilaam 5:30PM tluk ah hnu kan kir. Hnu kan kir lio ah hriamnam ngan in kan naupa pakhat nunnak a liam ve,” tiah THP ah a chim.
Tu chun Mindat CDF nih an kah mi ralhraang hna hi Mindat phak lai mengtung 45 zawn ah an riak kho men tiah CDF Mindat thawngthanhnak nih a langhter.
Crd: THP
