Sagaing ramṭhen, Katha(ကသာ) peng Pinlaypin(ပျဉ်လေးပင်) khua mi pafa hna cu, nihin May 4 zinglei ah SAC ralkap nih an hngawng an hleh hna i an thah hna, tiah tualchung mi nih an chim. Thah a tong mi a pa hi Aung Naing a si, a fa hi Min Zaw Hein a si. SAC ralkap pawl cu cycle 4 in an ra i, pafa hna inn chung an um lio ah an thah hna hi a si, tiah tualchung mi nu pakhat nih a chim.
“SAC ralkap pawl cu 10 hrawng an si, meithal an puah i, Aung Naing a inn chung ah an lut. Aung Naing le a fapa Min Zaw Hein cu an hngawng an hleh hna i meithal zong in an kah hna.
Cu hnu ah SAC ralkap pawl cu In(အင်း) khua lei ah an kal,” tiah a chim chap. Pafa hna an thah hna hi zeiruang set dah an thah hna cu tualchung mi hna nih an hngal lo. Pawngkam zong ah kahdohnak a chuak lo, tiah tualchung mi nih an chim. Pinlaypin khua he aa naih mi In khua ah SAC ralkap Ṭatma 99 an camp a um, tiah theih a si.
Crd:TCP
