Ralzam Ruang Hakha Peng Haiphai Ah Ai Dor Lio Mi Pastor Nu Dawtpar A Thih Ning Cu Chungkhar Ca Ruah Piak Ah Lung Fah Celh Si Lo E

Kahdohnak ruang ah Hmandaw khua in Hakha Peng, Haiphai khua ah a zaam mi ralzaam minung 3 le khuami pakhat hna cu 2022 May 3, suimilaam 2:30PM hrawng ah an inn chung ah teek nih a tlak hna i Pi Dawt Par a nunnak a liam tiah thawng kan theih.

Pi Dawt Par hi Biaknak lei mission rian a tuan lio mi a si i kahdohnak a chuah hnu ah Hmandaw khua in Haiphai khua ah zaam ve mi a si. Teek nih a tlak hna kong he pehtlai in khuami pakhat nih, “Teek nih a tlak mi hna hi an dihlak ah pali an si. Teek a tlak lio ahhin an inn chung ah minung tam ngai an thu ko. Pali dat nih a tlaih hna i pakhat nunnak a liam. Nunnak a liam mi hi inntang ah a um lio a si. Dat nih a tlaih le cangka aa hrim khawh than ti lo ca ah a liamnak hi a si,” tiah a chim.

Minung 3 chung ah Pi Dawt Par a pasal hi a lu a kuai i a dang pahnih hi an i hrim kho than tiah theih a si.
Haiphai khua ahhin ralzaam chungkhar 61, minung 281 an um tiah theih a si.

 

 

Crd:THP

Author: admin

Leave a Reply

Your email address will not be published.