Karenni Kah Doh Nak Ah Ralhrang A Nung In Minung 8 An Tleih Hna Leng Ah Kawlram Chung Kah Doh Nak Huap Ah Ralhrang Cei Lak An Thi

Myanmar ram pumpi in dohthlennak tuah hnu May 1, 2022 nikhat chung kahdohnak ah SAC ralkap 40 an thi i PDF 2 a nunnak liam, tiah Yangon Khit Thit nih a thanh. Cazin ning ah SAC ralkap a thi mi hi Sagaing ramṭhen Myaung ah 2, Phaungpin ah 15, Khin U ah 6, Mandalay ramṭhen Myin Chain ah 1, Nua Htoo Gyi ah 2, Magwe ramṭhen Pakokku ah 10, Taningtharyi ramṭhen Palaw ah 2, an dihlak 40 an si i, Karenni famkulh Loikaw ah 8 a nung in an tlaih hna. Phaungpin ah PDF 2 an nunnak liam.

Yangon ramṭhen, Insein peng Danginkone(ဒညင်းကုန်း) sang ah PDF 11 tlaih khawh nakding ah, SAC ralkap thawngpetu Leirawitu(Dalan) inn za-uk (ရာအိမ်မှူး ) Pyu Ko Ko (ဖြိုးကိုကို) cu nihin May 1 ah meithal voi 19 in an kah thah, tiah theih a si.

May 1 zanlei sml 1:30 hrawng ah SAC ralkap thawngpetu Pyu Ko Ko cu Yangon Liberation Force(YLF) nih meithal in voi 19 an kah hnu ah a hmun ah a thi colh.

A luancia February 16 zaan sml 10:00 ah Danginkone(ဒညင်းကုန်း) SAC ralkap nih an luhhnawh hna lio ah thawng petu cu amah a rak si i PDF 11 an inn le lo zong chuh an tong. An thilri vialte zong an laak dih, tiah theih a si. Danginkone sang um mi hna nih tangka tampi an pek hna lawng ah khual cazin cheknak kongkau a tuahpiak hna. Cu bantuk mizapi cung a thil tuah mi ruangah YLF nih kan thah nak hi a si, tiah cathanh an chuah.

 

 

Crd:TCP

Author: admin

Leave a Reply

Your email address will not be published.