SAC Ralhrang Le Mipi Ralkap I Kah Nak Ah Ralhrang 60 Leng An Thi

Sagaing ramṭhen, Tanhse peng ah rallam a sialmi SAC ralkap pawl cu nizan April 29 ah Tanhse-Kalaywa(ကလေးဝ) lam ah PDF nih bomb an puanhhnawh hna i SAC ralkap 20 hrawng an thi, tiah theih a si.SAC ralkap pawl cu Karate(ဂရိတ်) khua ah Helicopter 5 in an rak phan i sianginn le Phungki sianginn ah umhmun an khuar, Karate khua inn pawl zong an khangh hna.Cun SAC ralkap pawl cu SAF Special Attacking Force (Upper Burma) leTanhse People Comrades nih bomb an puahhnawh hna hi a si.April 11 le 12 lioah TPC le SAF nih Pyusawhti umhmun an khuarnak Mukhuah(မူးခွ) le Kyunlay(ကျွန်းလည်) khua an kah i 12 an thi, tiah cathanh an chuah.Nizan April 29 chun sml 12:00 hrawngah Pale peng Ziphyokung(ဇီးဖြူကုန်း) khua pyusawhti camp cu Minywa peng Battalion(1,2) Myaing’s Hero Generation(M.H.G) ၊God Of Myaing၊ Guerilla Ranger၊ 1.0.1၊ Urban Revolution Force၊ Underground Revolution Force၊ Underground Army၊ Aung San Force le thlanglei ṭangrual PDF hna ni hriamngan voi 56 an kah hna, tiah theih a si.April 29 ṭhiamṭhiam ah Myaung peng Porkanni(ပေါ် ကန်နီ) khua le Pinlay khua karah SAC ralkap mawṭaw pakhat cu PDF nih bomb an puahhnawh i 1 hliamhma fak ngai a tuar, tiah theih a si.


Miynmu(မြင်းမူ) peng chung kahdohnak ah SAC ralkap 30 hrawng an thi i, 20 leng hliamhma fak ngai an tuar, tiah GTR – MMU nih April 30 ah cathanh an chuah.Nizan April 29 ah Minmu peng Htisaung-Ayataw(ထီးဆောင်း-အရာတော်) lampi ah SAC ralkap 40 hrawng mawṭaw ke 12 ngei in rallam an sial lioah an i kah hi a si.GTR MMU၊ Myin Mu Defence Force -MMDF ၊ ZERO Minchan, Minchan peng Battalion (6)- Company (1) Heros, Minchan peng Battalion(6)-Company(2) Five Stars hna nih RPG le hriamhme he an kah hna i, sml 2 chung hrawng an i kap, tiah theih a si.Cu kahdohnak ah SAC ralkap 30 hrawng an thi i 20 leng nih hliamhma an tuar. Zero Guerrilla in an hruaitu chang pakhat a nunnak liam. A dang phu leiin 2 hliamhma an pu, tiah theih a si.SAC ralkap cu Kantaw(ကန်တော်) khua ah an lut i hmunli ah an i ṭhen hnu ah khuachung inn an khangh caah inn 600 leng a ciam. Khuami 4 an thi i 2 cu an i kalpi hna, tiah GTR – MMU nih an thanh.

Shan ramkulh chaklei Yuangan peng kahdohnak ah SAC ralkap ralbawi pakhat telh in 10 nak tlawmlo an thi i, Yuangan -YDF 5 an nunnak a liam , pakhat hliam a tuar tiah Yuangan PDF (YPDF) nih nihin April 30, ah an thanh.April 15, Panlawng (ပန်းလောင်) lei rallam sial in a kalmi SAC ralkap hna cu an kirlei ah Yuangan PDF ( YPDF) hna he Luh(လု) khua le TawngOo(တောင်ဦး) khua kar ah kahdohnak a chuak. Hriamnam thazaang aa tluklo tuk caah tualchung hriamtlai phu hna cu hnu an tolh than na in, SAC ralkap nih hriamngan he an kah tuk caah YPDF in minung 5 an nunnak a liam i pakhat hriamngan hliam a tuar tiah an thanh.SAC ralkap nih Yuangan pengchung ummi hna cu PDF he pehtlaihnak nan tuah i nan bawmhchanh hna tiah an puh hna caah khuami cu tlaihkhih in an thah hna.Kan hnute ah khan Yuangan pah-kah-phah phu YUG le Tawnggyi tualchung hriamtlai phu TPDF phufonh i sakhan pakhat cu SAC ralkap nih an luhhnawh hna caah PDF pakhat a nunnak a rak liam.

 

Crd:TCP

Author: admin

Leave a Reply

Your email address will not be published.