RALTLAN (MP) PI SIAMI IN LEH LO HRALH TUMIN BURMA SIPAI TEN A HMUNHMA AN RAWN TEH.

RALTLAN (MP) PI SIAMI IN LEH LO HRALH TUMIN BURMA SIPAI TEN A HMUNHMA AN RAWN TEH.

MP Pi Siami te telna NUG sorkarin Sr. General Min Aung Hlainga In leh lo online lamah an lo hralh ve hmiah thung.

Myanmar rorelkhawl sangber Parliament a, mipui palai ( MP) atan term hnih meuh thlantlin nawn ngat Zonu chhuanawm Pi khawtinsiami (Ebenezer Siami) te chenna in leh lo chu 19th January 2022 daih tawh khan Myanmar Military Council sorkar chuan dan pawna hnawl pawlte nen inzawmna a nei tiin an awm loh hlanin an in kawngkapui chu kalh in , an chhuhluih sak a.Sorkar ta ( confiscate) ni turin kan kalh ani an ti.Pi Siami chenna in kan ti tak nain , Mizo danah chuan a pasal Pu Thangthula-te in tia ziah tur a ni mah zawk a ni.

Nimin ni 29th April khan Burma sipai te leh an kaihbu atana an ruat chawp” Bula tu rawh ” an tih a piang titu, Township Administrator tirhkah te chu lo kal leh in an inhmun leh building len zawngte chu hralh tumin an teh kual chhuak ta a ni.

Aizawl khawpui a raltlana awm mek mipuite thlantlin Pi siami chuan he chanchin a hriat in, sual sipai chimawm lutuk a nin em em leh a rilru a nat lutuk avangin hetiangin fb lamah thu a chhakchhuak hial a.

Nangni ( Sual sipai ), mihring rilru pu pha lo ho khan ni 19.1.2022 khan kan in min kalh sak a, vawiin 29.4.2022 zingah in neitu pawh hrilh lovin kan in hmun ram in teh a in chhung a in lut chhuak leh pek kha chu en a hrehawmin in ninawm hle mai”a ti.

He chanchin hria a piang amah diriam thin Rulliana-te pawl ho tih loh chuan pawi kan tiin kan thinlung chhung tak atangin kan tawrhpui tak zet a ni.

Pi Siami-te mipui sorkar ( NUG) National Unity Government chuan sipai Lal thuneihna atchilh ho in leh lo bakah an neihsum an chheprelh zawng zawng hi online atangin an lilam (auctioned off by the National Unity Government) sak ve hmiah hmiah bawk a, chung zingah chuan chawimawina phu hliah hliah a in ngai ,mahni leh mahni chawimawina tangkapui 2 lai inpe Sr.Gen.Min Aung Hlainga USDollar 2 million man Inya lake dil kama awm pawh chu a tel a, an hralhna sum hmuh hi Democracy lamtluang zawh mekte leh sual sipai do let nan an hmang dawn a ni.

He chanchin hria social media hmangtu ram chhung leh ram pawna awmte chuan an ngaihven hle a, NUG in a hralhsak tur rate hi 30% emaw chauh a ni a, a leitu ten share holder system in a lei theih dawn a Kyat nuai 30 pawisa pe lawk chuan kyat nuai 100 a hmu kir leh dawn a ni.

Junnta leader Min Aung Hlaing hi engtik lai mahin Inya Lake kiangah in leh lo a nei ngai lova, sorkar ram House No. 14 Inya Road-ah 2011 kum atangin 5 stars hotel leh private hospital a sa a ni.

Military Council Dy. Leader Senior Lieutenant General Soe Win-a leh general dangte in leh lo pawh NUG sorkar chuan a lilam mek a, chuta sum hmuh zawng zawngte chu sual sipai boot hnuaia hnehchhiahna tuarte tan a nih dawn a vangin he ruahmanna hi a tha hle mai.

 

Author: admin

Leave a Reply

Your email address will not be published.