State counselor Daw Aung San Suu Kyi chu Court-in 5 tang turin a rel fel leh

State counselor Daw Aung San Suu Kyi chu Court-in 5 tang turin a rel fel leh

April ni 27, zing lam dar 9:30-ah military council thunun court roreltu chuan Pi Suu Kyi chu kum 5 jail tang turin order a chhuah a, chutih laiin ukil lama ram hruaitu lute an hmuh theih loh thu hriat a ni.

State Counselor Daw Aung San Suu Khi hian eiruk thubuai bakah thubuai dang case 5 awrhtir a ni a. Tuna court-in a ngaihtuah ber pakhat chu Yangon Chief Minister hlui Pyuo Min Thein-an rangkachak buk 7 leh dollar nuai 6 zat thamna pe nia puhna thubuai a ni a.

Pi Suu Kyii chuan, “Rangkachak leh Dolar chu Pyuo Min Thein-an min pekna tur chhan a awm lova. Lakna tur chhan pawh a awm hek lo. He zawng zawng hi ngaihruatna leh phuahchhawp mai a ni,” tiin court-ah a lo sawi tawh a.

Mahse, military council thunun court chuan Pi Suu Kyii leh President U Win Myint te chu Natural disaster management law bawh chhiaa puhin kum 2 jail tang tur leh Section 505 tlawhchhana kum 2 dang, belhkhawma kum 4 jail tang turin thutlukna a siam a ni.

State counselor Daw Aung San Suu Kyi chungah military council puhna case zinga 5 atan kum 6 jail tang tura rel fel a lo ni tawh bawk a ni

 

Author: admin

Leave a Reply

Your email address will not be published.