Film star Khaing Tin Kyi-i pasal Ko Khan Naing chu sipaiin an man a, sipaiho lobby Hein Nyain Oo a hek vanga man an nih thu hriat a ni

Film star Khaing Tin Kyi-i pasal Ko Khan Naing chu sipaiin an man a, sipaiho lobby Hein Nyain Oo a hek vanga man an nih thu hriat a ni

Lemchan thiam leh lar tak, hmeichhe film star Khaing Tin Kyi-i pasal Ko Khan Naing chu sipai ten April ni 27 tlai lama an man thu an chhungkaw social media-ah tarlan a ni a.

Sipaite uipa Hein Nyain Oo an a hek vanga man a nih thu pawh thuthang a awm nghal a. Film star Khaing Tin Kyi te nupa ni khawsa thei tak an ni ve hrim hrim a, PDF te tanpui anga sawi a awm rualin thil dang vanga puhna te pawh a awm nual a. March ni 27 khan film star Khaing Tin Kyi chu military council hotu Min Aung Hlaian social work lama chawimawina sang ber dawttu a lo hlan a, mahse April ni 16-a a lawmman pek chu a sut leh thu Min Aung Hlaian a puang a ni.

NUG te chuan ram chhunga Military Council ten an sawisak hlum thin leh ram chhung mipuite tana harsatna an siam thin avangin ‘Special Security’ an din thu April 26 khan an thuchhuahah an tar lang.

Military Council-te thuneihna hmet mit a, Federal Democracy din theih nana ruahman a ni a.

Military Council ten sorkarna an lak kum khat hnu, April 25 thleng khan CDM-a lut zawng zawng mi 2937 an tlin tawh thu an thuchhuahah an tar lang. He list hi Ministry of home Affairs-a thawk mekte an zawhna atanga hriat a ni.

Military Council te nena thawk mek mipui lamtang Pre CDM Police te pawh mi 34 an awm thu an tar lang bawk.

Mi Sang chuan Police atanga CDM-a lut tate hi April 26, zing lam dar 11:00 thleng khan Military Council ten an thuchhuahah an la tar lang lo.

 

Author: admin

Leave a Reply

Your email address will not be published.