Tulio CDF Dirhmun Cu Ramchung Ramleng Upale Hruaitu Lawng Bia I Ruah Kar Ah Pei Kan Tithawl A Zuh Te Ko Lai Hi

Mino tleirawl hna nih an rak i ruahning nak in kan dothlennak khuallam a hun sau deuh-A rau deuhchin ding a hung fiang pah ngai tikah inn a ngaimi an tam vima. Kumzabu 21 chan ah thonghrolh he deuh rumro ral tuk a si i an lungduh in hriamnam ttha kan zalhpiak khawh hna lo tikah hriamnam aa khingkhang lo tukmi ral he i tukdoh cu a rauh deuh cun an ba ngai cang. Hriamnam kan idamh karlak caan a hun sau. Defensive cio deuh in dir a si tikah kahdohnak hi hmunkip ah tuah a si thenglo. Ralhrang umkal le cawlcanghning zulh deuh in cawlcangh a si tikah mino tampi an thi a dai deuh ngai.

Siangsang ruun le Sianghleiruun a kai ding tikcu a simi pasal nusal hna le innchungkhar ah nulepa rian a bawm tawntu mino hna ramtang an um caan a sau tikah nulepa thinlung ah hlamnak a tam deuhdeuh. Chungkhar zong nih a hlam hna. Cutikah nulepa sin in forhfial thazaang peknak zong a zor i a cheu cu kir dingin lemsoinak hna a um pah cang. Nulepa nih ral hi kan tei taktak lai maw timi biahalnak fak ngai in an ngeih cang. Cu ruahnak he cun an fale hmailei sining kongah lunghrinhnak le thinphannak an ngei chin lengmang. Cucaah tu hi biatak tein India, Dubai le Malaysia hrawngah nifatin ti awk in mino tampi an kal cuahmah.

Zeitindah hi sining hi kan remhsiam lai i kan miphun nih a dikmi zalonnak caah teinak taktak kan hmuh khawh nakhnga kan hriamtlai thazaang kan tthawn ter lai timi hi tu lio Chin Miphun pi caah zuamcawhnak ngan taktak a si tiah ka ruah. Ramchung Ramleng upale hruaitu lawng bia kan i ruah kar ah kan tithol a zuh sual ahcun….?

 

 

Crd:Salai Aung 

Author: admin

Leave a Reply

Your email address will not be published.