Matupi Lw Midat Kar Kah Doh Nak Ah Uico Run Cu Ceilak An Nawn Hna Leng Ah Hma Pu Mi Zong An Tam

Nihin April 27 zingka ah Matupi in Mindat lei a kal mi SAC ralkap mawṭaw pawl cu Matupi in meng 91 a hlatnak ah, CDF-Matupi nih zanlei sml 4:38 ah an kah hna, tiah theih a si. Cu kahdohnak ah SAC ralkap lei in 8 an thi i, 7 hliam an tuar. Tuzan cu Chianpian khua hlun ah an riak, tiah CDF-Matupi Battalion-1 sin in theih a si.

 

Kahdohnak ruang ah a rawk mi Electric tower remh ding in a kal mi SAC ralkap bawi(တပ်မှူး) 2 le an kuttang rianṭuantu minung 26 cit mi motor pakhat cu Shan ramkulh Phekhone(ဖယ်ခုံ) peng, Loikaw-Phekhone lam pawng ah Electric thilri he April 21 tlaih an si, tiah  KNDF ni April 25 ah an thanh.

An tlaih mi hna cu KSP ah an kuat hna i SAC ralkap he i bawm in rianṭuan mi a si, tiah taza cuai khawh an si nakhnga tawlrel cuahmah lio a si. KNDF nih SAC tang ah rian a ṭuan mi hna cu dantatnak a pek hna lai caah SAC kuat tang ah rianṭuan ti lo ding in forhfialnak zong an tuah, tiah theih a si.

KNDF nih an tlaih mi hna cu theihthiamnak tampi he tlaih an si caah an chungkhar, cingla rualchan, hawikom hna le mizapi hna cu thinphang lo ding in le social media ah a dik lo mi thawng, bia chokvai hna cu i zumh lo ding in theihternak cathanh an chuah fawn.

 

Crd: The Chin Post

Author: admin

Leave a Reply

Your email address will not be published.