Ka Fim Tuk Ai Ti Mi Pawl An Chim Ning In Pakhat Hmanh A Kal Ti Lo Cu Hnu Ah Hriamnam In Kan Tei Lai Ti Si Hoi I Kan Ram Hmanh Ah Kan Um Ngam Ti Hna Lo

Ralhrang nih uknak an chuh hnu ah kan mifim tampi nih thlathum chung duhlo nak kan langh ter lai i ralkap nih uknak an thlah than lai an rak ti.thlathum a tling i an thlah hlei lo.Cun CDM tuah dih uh law uknak ai thleng hrimhrim lai an ti than i mitamdeuh nih CDM cu an tuah than i ai thleng hlei fawn lo.ka fim tuk ai ti mi pawl an chim ning in pakhat hmanh a kal ti lo.cu hnu ah hriamnam in kan tei lai ti si hoi i kan ram hmanh ah kan um ngam ti hna lo.kan tei khawh ah cun kan i lawm tuk hnga. A tu kan ram buai ruang ah kan tuah mi hi a thei par tha a chuah khawh ah cun an kan Hruaitu pawl hi mifim ti ah Tuanbia ah tial an si te lai.a theipar zeihmanh chuak lo in harsat nak in caan saupi kan um sual ah cun mipi nih an huat tuk te hna lai i,kan ram hmanh ah an tlung ngam te lai lo.Lairam le Laimi sifah nak thih nak le laimi tio nak lawng a chuah pi ah cun Laimi le Lairam nih huat bik mi an si ve te lai.

Cu ca ah cun kan tuah mi rian hi a thei par tha kan hmu kho te hnga maw ti hi fak deuh in kan ruah herh tuk cang.A ho poh nih Ralhrang uk nak cu kan duh bak hna loh.a si na in kan doh lai i kan tei lai ti hi a fawi bak lo mi si.US ti ban tuk nih an kan doh pi tung lo ah cun kan mah thazaang in kan tei lai ti hi ruah ngam ding si loh.Ralhrang pawl tei khawh nak ding ah cun ralhrang nih an neih mi nak a let in zeipoh kan neih a herh.Jet Fighter 100an neih ah cun 200kan neih ve a herh.ralkap 100000an neih ah cun 200000kan neih a herh.RPG1000 an neih ah cun 3000kan neih a herh.zei ca ah ti ah cun an nih cu an camp chungah hmunhma rem tuk in a um cia mi an si tik ah va tei cu a fawi bak lo.ralkap camp ah tha tuk in khur an i cawh mi ah ralkap 100a um mi kha va lak khawh nak ding ah cun minung nih luh hnawh i va tei ding cu ruah ngam ding si lo.US hmanh nih Rocket le Drone in bomb in a hrawh dih hmasa hnu lawng ah ke ralkap a thlah tawn hna.cu ca ah cun kan tei lai ti hi fawi tuk in chim ngam ding si lo.kan mino tamtuk nunnak a liam hnu hmanh ah kan tei khawh nak ding a um lo.Mah ti kan chim tik ah kan do lai lo kan ti nak a si lo.Ralhrang cu kan doh awk bak si ko na in Ngianthiam deuh a herh.a bik in ramleng um mi pawl nih thil si ning fiang te in thei set lo in naal tuk in bia chim ti hlah uh.kan lai mino pakhat nun nak liam zong hi kan siang bak hna loh.kan tei lai ti nan zumh ah cun nan mah zong raltuk ah kal ve uh.nan fale zong kal ter duh tung lo.

Mikut in rul tleih i tim hlah uh.a tu kan ram buai ruang ah mino tamtuk ram leng ah an chuak cang.Aho dah kan ram ah um huam hnga.Ramleng um mi kan lairam chuah tak hlah uh a ti mi pawl kha lairam ah rak um ve hnik uh.Mah tiba chim mi poh Dalan nan ti dih hna.Nan ruahning hi Communist uk nak bantuk nan si.Democracy kan khel ti ttung i kan mah pom mi a pom ve lo mi poh thah ding ti hi nan mah pei Authoritarian nan si deuh hi.mah sining hngalh lo nan si. Ralhrang tei cu ho poh nih duh tuk mi a si.kan tuah mi thil hi a thei par tha kan hmu kho lai maw ti hi kan ruah dih a hau cang.Mah hi bantuk ca tial mi poh Dalan ti hmang mi poh hi nan mah tu kha Dictator bantuk mi thalo taktak kan si ti hi i fiang cang uh.kan Lairam hi nan mah nak in kan dawt deuh tuk.kai lairam hi Hell mei ah nan thlak sual ah cun nan mah hi lairam hrawktu တရားခံ nan si te lai.kan Lairam sifak bik mi le mitlawm cem hi Har nak chung in kan luat khawh nak hnga fakdeuh in kan ruah a hau cang.kan Tuah mi hi a Theipar a chiat tuk sual ah cun Lairam te hi a ngaihchia tuk te lai.

 

 

 

Crd:Peter Mang

 

Author: admin

Leave a Reply

Your email address will not be published.