Sagaing Ram Then Peng 30 Leng Cung Ah SAC Ralhrang Nih An Tuah To Hna Dan Cu Lung Fak Ko

Sagaing ramṭhen peng 30 leng ah ‘Ram nih a ngeih mi a si’ tiin inn chuhpiak i, hrenh mi inn le hmunhma 100 fai a um cang, tiah Monywa ramkheltu hna sin in theih a si. “Nizaan ah Chaung Oo, Yan Aung Me(ရန်အောင်မြေ) sang ah Ko Min Khanh Zaw(ကိုမင်းခန့်ဇော်) inn cu an hrenhpiak i, nihin April 26 zing zong ah Yinmapin C sang ah CDM a tuahtu Education Department rianṭuan U Maung Maung Swe(ဉီးမောင်မောင်ဆွေ) inn zong an chuh fawn,” tiah an chim.

Atu bantuk in inn le lo chuh le hrenhpiak a tong mi hi Sagaing ramṭhen chung peng 30 leng in inn 100 leng a si cang, tiah theih a si. Sagaing ramṭhen Ministry of Border Affair zung rianṭuan he naihniam in a um mi pakhat nih cun, “Building le hmunhma cheukhat cu ram nih a ngeih mi a si tiin tawh an hrenhpiak mi hna hi Shwe Bo pengkomh peng 6 le Monywa pengkomh peng 4 ah a voikhatnak an hrenhpiak hna.

Cun, a dang a taang mi pengkomh ah a voihnihnak an pehzulh ṭhan,” tiah a chim. Inn le lo chuh le hrenhpiak a tong mi hna hi chawlettu(sumdawng), CDM cozah rianṭuan le MP pawl an si, tiah theih a si.

 

 

Crd: The Chin Post

Author: admin

Leave a Reply

Your email address will not be published.