Kanram Kan Miphun Kan Chungkhar Kan I Zohkhen Nak Kong Ah Mi Pakhat Khat Ruang Ah Kan Sining Lo Ding Le Kan I Timh Lo Ning In Thli Kan Ton Sual Tik Ah Zeitin Kan Phisin Lai

Zumtu cu: Kan Chungkhar kan i uk zohkhenhnak kongah siseh, kanram kan miphun kan i kilvennak ah siseh, kanmah duhning in thil a kal lo caan aum, minung pakhat khat ruangah mu, thil sining loin a chuah pitu nu ansi ah pa ansi ah, anmah kha Hua bak loin, heh tiah let loin, ti chih loin, sawh chih loin mu, Zangfah lungthin te he Bawipa Jesuh Khrih sin tuah kan duhnak kha chim hna usih law.

Daihnak le rual remnak Bawipa nih a Kan pek kolai. Amen! Kan Cathiang Chung i, tukforhnak in a tlu vemi Nu Eve cung zongah hin kailawm tuk Bawipa kati veko. Eve sualnak hi um hlah seh law…misual kasi ti hi ka hngal lo men lai kati. Cun, Jesuh Khrih a hringtu a Nu Mary cung zongah kailawm tuk tthiamtthiam, ka sualnak vialte kalpitu Jesuh Khrih a ka hrin piak caah. Hallelujah! Cucaah cun, Zumtu cu: Kan Chungkhar ah harnak a chuahpi tu, harnak aum tikah pumpak amah cungah vuivai lo tein, aw…..Bawipa kan Chungkhar tlingin Vansui Khualipi, Sui inn sakmi inn ah Chungkhar tling kanum nak hnga ca tuah, amah nu, amah pa harnak chuahpi nak nih hin, hi vawlei kannun Chung hrimhrim ah, Chungkhar vanram kan sernak ah cang koseh tiin Thlacam ding kansi ko hna.

Amen! Kan Cathiang nih a kan fial cio: A Zungzal in i lawm u. A Zungzal in thlacam Uh. Zei bantuk thil nan ton hmanh ah lunglawm in um uh. Khrih Jesuh Chung nan nun ning ah hin, hitihin nung hna seh tiah Pathian nih anduh hna tiah a kan ti i, a kan fial cio. Hallelujah! Amen. Hallelujah.Kan Bawipa Jesuh Khrih nih kan bawm hram cio koseh. Amen..

 

Crd:Ngun ȚhaHnem

Author: admin

Leave a Reply

Your email address will not be published.