Shan Ramkulh Ah PDF Nan Si Ti In Khuami Cheukhat Cu SAC Ralhrang Nih An Thah Hna Lung A Fak Lawlaw Ko

Shan ramkulh, Ywangan(ရွာငံ) peng Pe Yin Taung(ပဲရင်းတောင်) khua mi 6 cu ‘PDF nan si’ tiin SAC ralkap nih nihin April 22 ah  an thah hna, tiah Ywangan People Defense Force (YPDF) nih fehternak he thawng an thanh.

Khua mi an tlaih mi hna cu PDF an si ti in Pe Yin Taung khua nitlak lei meng 2 a hlatnak ah SAC ralkap nih an kalpi hna i, an duh tawk in an hrem hna hnu ah an thah hna. Meithal he tlaih mi bantuk in hman zong an thlak hna, tiah tualchung mi nih an chim.

Thah a tong mi hna cu:- 1. Ko Tin Phe(ကိုတင်ဖေ), 2. Ko Hla Soe(ကိုလှစိုး), 3. Ko Thun U(ကိုထွန်းဉီး), 4. Maung Tat Aung(မောင်သက်အောင်), 5. Ko Myo Thwe(ကိုမျိုးထွေး), 6. Ko Win Naing(ကိုဝင်းနိုင်) hna an si, tiah theih a si.

Cunbantuk ṭhiam in Tanhse (တည့်ဆည်) peng Greik(ဂရိတ်) khua sianginn le phungki sianginn cu nizaan April 21 ah khan SAC vanlawng nih a kah i an rawk. SAC nih vanlawng in ralkap thazaang 100 fai an thlah hna i civil mi 6 zong an tlaih hna, tiah theih a si

 

 

Crd: The Chin Post

Author: admin

Leave a Reply

Your email address will not be published.