MinAung Hliang Nih Tlang Cung Hriam Tlai Phu Cung Ah Phungdang Tein Cawlcang Ai Tim Than Cang Mipi Thah Nawn Nak Ton Chin Sisual Ah Cun A Poi Kho Tuk La

Nihin, April 22 ah Min Aung Hliang nih Tlangcung Hriamtlai Phu pawl he tonnak ngeih ding ah sawmnak a tuah than tiah MWD TV thanhmi in theih a si.Nain, Zaw Min Tun nih cun, 2021 hnu chuakmi (PDF tbk.) an i tel lo tiah BBC Burmese ah a chim.KNU nih Ralkap lutlai sawmnak ah kan kal lai lo, Biaruahnak ah Ralkap an i tel lo ding le Ralkap an um lo hnu lawng ah biaruahnak ah kan i tel lai tiah chimnak nawl ngeih nih a chim.

Yangon ramtthen, Khayan(ခရမ်း) peng, Kamakalu (ကမာကလူ) khuapawng Kyauk(ကျောက်) tiva chungah nihin April 21, zinglei suimilam 5:00 hrawngah SAC ralkap mawtaw pakhat a tla i SAC ralkap 3 an thi tiah Khayan (ခရမ်း) peng tualchung mi nih an chim.

Tiva chungah a tlami SAC ralkap motor chungah cun, a tlawmbik minung 10 an i cit lai, hliamhma tuarmi, kut kiak le ke kiak zong an um tiah mithmutu tualchung mi nih The Irrawaddy thawngzamh sin ah an chim.

Khayan (ခရမ်း) pengchung ummi pakhat nih cun ” a tlawmbik minung 3 an thi, zei tin tiva ah an motor a tlakning theih a si lo, minung 3 an thi tiah Khayan (ခရမ်း) siizung in siibawi pakhat nih a chim, hliam tuarmi hna cu Khayan (ခရမ်း) ah an umrih ko, tiva chungah a tlami motor le SAC ralkap hna cu nihin zinglei suimilam 9:00 hrawngah khan an rak lak cang hna” tiah a chim.

Cun nihin April 21, zinglei suimilam 8:00 hrawng Khayan (ခရမ်း) ah pension thlahawh chuahding in a kalmi Takawgan(တကောကန်) khuami SAC ralkap sin thawngpetu Thant Zin cu Khayan (ခရမ်း) peng Tapyuitgan(သပြုကန်) khua lai ah kahthah a tong tiah tualchung mi nih an chim.

 

 

Crd: The Chin Post

Author: admin

Leave a Reply

Your email address will not be published.