Mandaly In Sagaing Lei Ah Ralhrang Chap In Rallam An Sial Cuah Mah Lio Ah Mipi Ralkap Nih Ralhrang Cei Lak An Thah Hna Ning Cu Lung A Hmui Kho Tuk

Mandalay in Sagaing lei ah nizaan April 21 ah thazaang chap in rallam a samh mi SAC ralkap motor le palik motor hna cu nihin April 22 zinglei ah kahdoh an si i SAC ralkap 13 an thi, tiah tualchung mipi vengtu ralkap nih an thanh. April 22 zing Sml 10:00 Mandalay-Monywa lam, Monywa in Minmu lei kalnak Koipintaw(ဂွေးပင်တော) khua le Bo Mingyi Kin (ဘိုးမင်းကြီးကင်း) kar ah motor pahnih in a kal mi SAC ralkap 20 hrawng cu Myaung-PDF le CDSOM nih bomb an puah hnawh hna, tiah theih a si.

Bomb lungli aa thuanh mi bomb in puah an si i, motor hmailei le a sirlei a rawk. SAC ralkap 8 an thi i, a dang 15 cu an zaam. Cu hnu ah Bomb lung 11 in puahhnawh an si ṭhan i SAC ralkap a thi mi an tam ngai ngai, tiah Myaung- PDF le CDSOM nih thawng an thanh.

Cun, April 22 zing Sml 11:00 ah Sagiang in Monywa lei ah a kal mi palik motor 24 aa zul mi cu Minmu peng, Wonpyae(ဝမ်းပြည့်) le Allakappa(အလ္လကပ္ပ) khua karlak ah bomb puah hnawh an si i motor pakhat a rawh lengah palik 5 an thi, tiah DK PDF-MUU nih thawng an thanh. Minmu peng kahdohnak ah hin Minmu khuapi ah dirh mi DK PDF-MUU, Blak Eagle Defense Force MUU, CDSOM (Myaung), PAFD le ṭangrual phunga i bawn in an kah hna, tiah theih a si.

 

Crd: The Chin Post

Author: admin

Leave a Reply

Your email address will not be published.