Matupi township-ah CDF–Matupi leh military council sipaite inkahnaah firfiak sipai 8 an thi

Matupi township-ah CDF–Matupi leh military council sipaite inkahnaah firfiak sipai 8 an thi

Chin state Matupi township chhunga inkahnaah firfiak sipai captain 8 an thiin, 5 an hliam thu CDF-Matupi pawlin Apriln ni 20-ah thuchhuah an siam.

Inkahna chu April ni 20, chawhma lam dar 10:28-ah Matupi khuaa awm LIB 304 battalion nen Mindat-Matupi kawng, Lemro lui infinna hmunah a ni a. Chu inkahna sipai thi leh chet chhiatna avangin, sipaiho chu a sir ruk la an rawn thawh chhuah mai theih thu hriat a ni a.

April chawlhkar hnihnaah pawh inkahna vawi thum a chhuak tawh a, sipai lamah 10 an thih tawh thu leh sipaiten operation an neihna Walanpi, Kala, Walante khuaa mipui ranvulh vawk, ar, kelte an eisak bakah, an bungbel neihte an laksak bawk thu CDF-Matupi pawlin an thuchhuah siamah an tarlang a ni.

Tamu Khawpui Aungziyah Kawngpui Military Council-te Bungraw Phur An Awm Leh Awm Loh CDM Police-te Leh PDF Ten An Check thin,

Mipui veng himtu pawl Fighter Police CDM Tamu leh HLPDF tangkawp te chuan Tamu township, Tamu khawpuia Aungziyah kawngpuiah Military Council-te bungraw phur an awm leh awm loh an check thin thu hriat a ni a.

Henga tlawmngaia check-tu te hian tualchhung mipui te chu Military Council-te hmanrua leh a kaihhnawih thil reng reng hmanh lo hram turin a ngen tel bawk tih hriat a ni.

 

Author: admin

Leave a Reply

Your email address will not be published.