State counselor Pi Suu Kyi puhna rangkachak leh dollar case chu April ni 26-ah thutlukna siam tum a ni

State counselor Pi Suu Kyi puhna rangkachak leh dollar case chu April ni 26-ah thutlukna siam tum a ni

State Counselor Daw Aung San Suu Khi chu Yangon region Chief Minister Pyuo Min Thein-an rangkachak leh dollar engemaw zat thamna pe anga puhna thubuai (case) chu April ni 26-a chinfel a nih tawh tur thu court lam source atanga hriat a ni.

State Counselor Daw Aung San Suu Khi hian eiruk thubuai bakah thubuai dang case 5 a awrh mek a, April ni 18 khan court-ah thu zawhfiah leh a ni a. Vawiin lama court thu pawh Pyuo Min Thein-an rangkachak buk 7 leh dollar nuai 6 zat thamna pe nia puhna thubuai ngaihtuah nawn leh a ni a. Chu bakah, a case dang 4 chungchanga thuhretute thu zawhfiahna neih a ni bawk.

Tun tuma Pi Suu Kyi-I court-a a inlan, lo hmutute chuan ani chu a hriselna a that thu an sawi a.

He case hi National League for Democracy (NLD) sorkar hun lai kum 2017 December atanga kum 2018 March thla inkara, US dollar pawi nuai 6 leh Academy rangkachak (Gold) buk 7 chu Pi Suu Kyii hnenah vawi thum peka pek a nih thu hmangin military council-in case siamin court-ah an zual ko a. Chu case ngaihthlakna hun chu February ni 28 khan neih tan a ni a. Nimin lama court-a inlante chu Anti-Corruption Commission Investigation Director U Ye Htet, Yangon Chief Minister hlui Pyuo Min Thein leh a nupui Daw Khin Mi Mi Chowe te telin, U Maung Maung Kyi te pawh an inlan a, thuzawh fiah a ni.

Chu mi case chungchanga thuzawh fiah tawk Anti-Corruption Commissioner U Ye Htet chu ni kum October ni 8-a zawh a nihin, Pyuo Min Theinး-an rangkachak leh US dollar chu Pi Suu Khi hnena a pek a hriat loh thu a lo sawi tawh a.

Pi Suu Kyii ngei pawhin, “Rangkachak leh Dolar chu Pyuo Min Theinး-an min pekna tur chhan a awm lova. Lakna tur chhan pawh a awm hek lo. He zawng zawng hi ngaihruatna leh phuahchhawp mai a ni,” tiin court-ah a lo sawi ve tawh bawk a ni.

Nikum February ni 28-ah court-a a inlan pawhin Pi Suu Kyi chuan thil tihsual engmah a neih loh thu a sawi chhuak niin court nena inhnai vai takten an sawi chhawng leh bawk a ni.

Author: admin

Leave a Reply

Your email address will not be published.