Military Council Ten Rihkhawdar, Ramri Gate An lak Tuma CNDF Sipai 2, An Mante Ruang Hmuh A Ni

Military Council Ten Rihkhawdar, Ramri Gate An lak Tuma CNDF Sipai 2, An Mante Ruang Hmuh A Ni

Chin State, Falam township, Rihkhawdar, ramri Gate chu March 26-a Military Council ten an lak tum khan CNDF sipai 2 an man, ruang chu April 18 khan tualchhung mi ten an hmuh thu hriat a ni.

March 26 inkahnaah khan CNDF Camp-a eirawng bawl, sipai 2 an man hnu lawk khan silai ri hriat a ni a.

An ruang an hmuh danah chuan April 17 khan huan neitu pakhat chuan a huan kanin thil rimchhia tak hriain a huan bul hnaiah lei vung chhilh pawn a hmu a. A hmuh hnu hian Khawchhung nu leh pate pun khawmin an hai chhuak ta a. April 18 tuk khan a ruang hlawmin an khuaah vuina hun hman a ni.

An ruang phawrhtute zinga mi pakhat chuan “An phumna hi feet 2 vel chauha phum an ni a, tu tih hriat an harsa khawp mai. Pakhat zawk chu a sam a sei thung a. An man tuk hian Military Council ten an mi man 2 te hi Tlanga hruai chhovin khur an laihtir hnua kah hlum an rin thu” a sawi.

CNDF sipai 2 ruang hi Rihkhawdar No.2 Veng (Tiau-Khawmawi) thlanmual tharah hmuh an ni a. Ram tana nunna hlantu mi 2 te hi kum 24 mi niin a nupui rai lai a kalsan a, pakhat zawk erawh chu kum 30 mi niin nu leh pa nei tawh lo, chhungte hnena cheng kual, an nih thu hriat a ni.cp. The Tahan Post

Author: admin

Leave a Reply

Your email address will not be published.