Kawlram Mipi Ruahnak Pe Tu Daw Aung San Suu Kyi Caah Cun A Dih Dongnak A Si Kho Cang

Daw Aung San Suu Kyi i Sui le Dollar case April 26 ah bia an khiah lai.Yangon Ramthen Cheif Minister U Phyo Min Thein sin in sui le Dollar a eihmuar tiah ralhraang nih taza an cuai mi cu 2022 April 26 ah biakhiahnak an tuah lai tiah theih a si.

Ralhrang nih Ramkomh Ruahnak Petu Daw Aung San Suu Kyi cu ziknawh eihmuarnak case in taza an cuai i a taang mi case phun 5 zong April 18 nihin ah biaceihnak an tuah. Nihin Biaceihnak Zung chekhlatnak an tuahnak ah Yangon Ramthen Cheif Minister U Phyo Min Thein sin in Dollar sing 6, Sui cuai 7 ziknawh a lak ti mi tazacuainak case cu a rauh hlan ah biachahnak tuah ding in hal a si.

Hi case ahhin Daw Aung San Suu Kyi lawng si loin Naypyitaw Ukbawi (Myodaw wan) Dr. Myo Aung le a changtu U Yemin Oo, Sipin Committee member U Min Thu hna zong an i tel ve.

 

Credit: TheHakhaPost

Author: admin

Leave a Reply

Your email address will not be published.