Bomb Puak Mi Chekhlat Nak Tuah Ding A Kal Mi Palik Pawl Bomb Puah An Tong I A Thi Mi Le Hl;iam Tuar Mi An Um Len

Magwe ramṭhen, Industrial zone pawng ah a thawng thang ngai mi bomb thawng theih ruangah chekhlatnak tuah ding in a kal mi palik pawl cu nihin April 19 zing Sml 10:30 tluk ah bomb le RPG in mizapi vengtu ralkap hna nih an  kah hna i, palik 2 an thih lengah 2 dang hliam an tuar, tiah Yong Force UG rian ngeitu pakhat nih a chim.

“Motor thlalang khar buin motor nan khalh lai ti mi zulhphung a zul lo mi motor pakhat cu ralrin peknak ah tiin a thawng thang ngai mi bomb in kan tlerh. Cu thawng a thei mi palik hna cu chekhlatnak tuah ding in an rat lio ah RPG lungkhat in kan kah hna i bomb kan puah hnawh fawn hna caah palik 2 an thi i, 2 dang hliam an tuar,” tiah tiah Yong Force UG rian ngeitu nih cun a chim.

Mipi nih PDF cathanh chuah mi cu zulhpiak ding in thawng thanh a rak si cang caah a bik in private motor a khaltu hna nih thlalang khar hrimhrim ding in a thar in nawlnak an tuah ṭhan. Palik bomb a puahtu cu Myaing PDF, RSO (PKU), Pakkokku Ranger Young Force (UG) le Young Force PDF hna i bawm in an tuah mi a si, tiah theih a si.

 

Crd: The Chin Post

Author: admin

Leave a Reply

Your email address will not be published.