Kawlram uico ralhrangin thawngtlak pawl mi 1,600 suah ding

Kawlram uico ralhrangin thawngtlak pawl mi 1,600 suah ding

Kawlram uico ralhrang pawl cun a ram kumthar, Buddist New Year lawmnak pualin thawngtla mi 1,600-te chu ngaidamin a suah zalen ding tih a puang.

Nikum ah khan kumthar lawmnak pualin uico ralhrang pawl cun thawngtlak mi 23,000 cu an rak suah zo a si.

Tukum ih thawngtla an suah ding mi ah hin kum 2021, February-ih civil sorkar a paihthlak taka member-te kha an tel dawn em tih erawh sawichian a la ni lo. Sipaite hian civil cozah an lawng hnuah hin mi 13,282 lai an kaih bakah mi 1,756 an that zo a si tiah Assistance Association of Political Prisoners (AAPP) activist group cun a tarlang.

An kaih mi lakah hin civil cozah an hlawn mi ih sin an hotu, Aung San Suu Kyi bakah economic adviser, Australia mi Sean Turnell khal a tel ih, Turnell hi Isein thawnginah a tang rero lai a si.

Uico ralhrang pawl cun thawngtla pawl suah dingin thu an puan hnuah, thawngtlak pawl sungte mi tamtak cu mini ih sin khan Yangon khaw sir ih Insein thawngin hmaiah an suakkhawm nghal a si.

Uico ralhrang pawlih cozah ih state secretary, lieutenant general Aung Lin Dw cun thawngtla suah ding thuhlaah hin ┬áthusuahnak tuahin, ‘Myanmar kumthar lawmnak pualin mi 1,619 cu suah an si ding ih, cu mi lak ih sin ram dang mi 42 an tel ding,” a ti.

 

Author: admin

Leave a Reply

Your email address will not be published.