Kata Peng Ah SAC Ralhrang Pawl Rallam An Sial Lio Ah Minung 50 Leng CDM An Tuah Than

Kata(ကသာ) peng ah thla 5 chung ah CDM a tuahtu SAC ralkap 53 an um i Major(bohmu) pakhat aa tel, tiah theih a si. A luan cia 2021 November thla in 2022 March thla chung tiang ah CDM a lut mi an si. Ralbawi sang le a dang reng niam deuh hna zong an i tel hna i, rallam an sial lio ah a zaam mi an si hna, tiah raltuknak hmun ah thawng latu pakhat nih The 74 Media ah a chim.

“CDM a tuahtu hna lakah hin Major pakhat, bothum pakhat, senkhat 1, senhnih 1 an tel i a dang cu ralkap sawhsawh an si,” tiah thawng latu nih cun a chim. CDM ralkap hna hi kahdohnak ah an i tel lo nain a himnak hmun pakhat ah rian an ṭuan, tiah theih a si. Sagaing ramṭhen Kata peng ah hin kah-mah-yiah(ခမရ) 309 batallion le No. 1 le 2 palik sakhan pahnih a um.

Myanmar ram pumpi hmunkip, kakip ah SAC ralkap hna le tualchung mipi vengtu ralkap hna karlak ah kahdohnak fak an chuak i, Kata peng zong ah SAC ralkap hna cu atu le tu te bomb an puah hnawh lengmang hna.

 

Crd: The Chin Post

Author: admin

Leave a Reply

Your email address will not be published.