Chinland Joint Defense Committee (CDJC)-in ZRA chu Terrorist Pawlah puang

Chinland Joint Defense Committee (CDJC)-in ZRA chu Terrorist Pawlah puang

Chinland Joint Defense Committee (CDJC) regular meeting a vawi thumna chu April ni 7 atanga ni 12 thleng Chin National Front (CNF) headquarters camp-ah neih a ni a, chu meeting chuan Zomi Revolution Organization/Zomi Revolution Army (Eastern Command) pawl chu firfiak pawl (Terrorist)-a a nemngheh thu hriat a ni. ZRA/ZRO (Eastern Command) chu eng vanga Terrorist pawla puan nge a nih a, chutianga thil tihin eng nghawng nge a neih theih dawn tih chungchangah Chinland Joint Defense Committee (CDJC) thupuangtu Ko Paul chu heti hian thu zawhfiah a ni.

Zawhna: Chinland Joint Defense Committee (CJDC)-in a vawi thum meeting buatsaihah ZRO/ZRA chu firfiak pawlah a puan thu thuchhuah a siam tih hriat a ni a. Eng vanga chutianga ti nge in nih?
Chhanna: CJDC pawl member-te chetna hmunah ZRA/ZRO (Eastern Command) pawlin a tibuai a, manin a that ngei tih finfiahna kan nei a. Firfiak pawl military council nen tangrualin an pawl member-te chunga neksawr, man leh nghaisakna an nei thin tih finfiahna kan nei a. Firfiak pawl nena tang dunin kan thiltih tibuai zawnga an awm avangin firfiak pawla nemngheh an ni.

Zawhna: ZRO/ZRA chu military council nen an thawk dun tih chu a dik ngei em? Eng ang finfiahna nge in neih.

Chhanna: Keini Chinland Defence pawl leh ZRO/ZRA nen inkahna an nei tih thu chu chanchinbu lamah pawh tarlan a ni tawh a. Chuta kan inkahnaa an hman an silai, puak thei, an hman lai ralthuamte chu kan tan finfiahna chiang tak a ni a. Chubakah military council nena an thawh dunna kawnga finfiahna chiang zawk dang pawh kan hnenah a awm a ni.

Zawhna: ZRO/ZRA chu hetianga firfiak pawla nemngheh a lo nih takah chuan ZRO/ZRA leh Chin ralthuam keng pawl inkara eng boruak nge lo awm thei ang.

Chhanna: ZRO/ZRA (Eastern Command) keini chuan firfiak pawlah kan nemnghet tawh a, Chin National revultion zawng pawhin sawi ila, sipai thuneihna a zung chawpa phawi chhuak tur din CJDC pawl zawng zawng insuihzawma kal kan ni a, he politics kan dodal laiin CJDC pawl member engemaw ber dan beh leh tihbuai a nih chuan kei lamin kan chinfel dan chu kawng chi hrang hrang a awm ang. Firfiak pawla kan ruat tawh angin, chu dinhmun thleng chauh ngaihtuahin chinfel zel a ngai ang. Indona lam emaw thil dangah pawh ni se.

Zawhna: ZRO/ZRA chu Chin hnam peng khat ralthuam keng pawh a ni a. Hetianga firfiak pawla ruat ngawt aiin, inbiakna neia chin fel dan kawng zawn chu a tha zawk lo maw.

Chhanna: Kan zingah inthliarhranna lam ni lovin, military council nena inkawp, revolution thlawp lo pawl ang chauha kan hmuh avangin, kan thian dinhmunah an awm tawh lo a ni. Chuvangin, tangho thei lo dinhmuna kan awm bakah military council rawng tak nen tang dunin, min bei a, min tibuai a, man leh nghaisak zawnga a rawn chetnaah, a hmasa berin mipui ai an awh lo, mipui thlawpna nei lo pawl an ni. A pahnihna chu kan do mek firfiak pawl nen tang dunin an duh zawnga inhaivura hlep tum, pawl hminga hlep tum an nihna chhutin firfiak pawl tiin kan nemnghet ta a ni.

 

Author: admin

Leave a Reply

Your email address will not be published.