SIALSUK KHUAAH PASTOR HOIN KṬP TEN UPC BIAK IN SA AN PUI

SIALSUK KHUAAH PASTOR HOIN KṬP TEN UPC BIAK IN SA AN PUI

Vawin nilengin Sialsuk khuaa Hmunchung Kohhran KṬP te chuan an Pastor Lalnunzira hoin an khaw UPC (MZ) Biak In sa an pui.

KṬP hruaitute hian an Biak In sak hi puih an lo tum hrim hrim a. Hri vangin hun remchang a awm thei lo a. Vawinah Gallery tur chhungin an han hnatlang thei ta a ni.

Bialtu Pastor Pu Lalnunzira chuan “KṬP hruaituten hetiang rilru an pu tih ka hriat khan ka lawm a, keipawh ka rawn tel ve ang ka ti nghal a. Kohhran pawl ram indaidanna awm miah lo a hetianga kan thawk ho thei hi ka lawm khawp mai. Vawin chu a puitu te leh kan puih a te kan lawm tawn ve ve a ni” tiin a sawi.

Sialsuk khuaah hian Presbyterian Kohhran pahnih an awm a. UPC hi Mizoram leh North East an awm bawk a. Vawina KṬP ten an puih UPC (MZ) te hi in 10 vel an ni a. Biak In hi an sa thar mek a. An mahni an lo tlem bawk nen KṬP hruaitute hian puih ngei an lo tum sa tawh a ni. Vawina hnatlang zawng hi mi 40 vel an ni a lalpan a let tamtakin malsawm rawh se.

 

Author: admin

Leave a Reply

Your email address will not be published.