Chin Ram Tidim Peng Kah Doh Nak Cu A Zual Chin Leng Ah Ralhrang A Thi Mi An Tam Cang

January 13 zinglei 10:00 thawk in nihin tiang, ni thum chung pehtlai in Kalaymyo le Chinram pehtlaihnak lam cung ah rammi rungvengtu ralkap hna le Council ralhraang hna faakpi in an i kap i ralhraang lei in a thi mi an tam tiah theih a si.

Nihin ah Kalay University chung umhmun a khuar mi ralhraang nih Chinram lei hoih in hriamnam ngan pehtlai in an kah i raltuknak vanlawng pahnih zong nih pehtlai in bomb a thlak tiah PDF-Zoland nih a thanh.
Hi raldohnak hmun ah rammi ralkap lei in pasarih hma an pu i, cu chung ah pali cu an hma a faak. Pehtlai in an i do cuahmah tiah theih a si.

Kalay lei in a rak kai mi ralhraang 100 leng le rammi rungvengtu ralkap ni thum chung an i kahnak ah Council ralhraang lei in January 13 ah 7, January 14 ah 1, January 15 ah pahnih an thi tiah CDM Siyin nih cun an langhter.Rammi ralkap a si mi CNA, PDF-Zoland, CDM-Siyin, Zogam Army, PDA le CNDF hna i bawm in ralhraang an dohti. A rauh hlan ah Zomi-PDF le Kalay PDF zong an rak i bawm ve lai tiah an langhter.

Crd: TheHakha Post

Author: admin

Leave a Reply

Your email address will not be published.