Magway Ram Then Ah Ralhrang Duh Lo Langhter In Lamzawh Mi An Kah Nak Hna Hmunhma Ah Ralhrang Motor Ai Let I Ralhrang Lei An Thi

Magway ramṭhen, Tayat(သရက်) pengkomh Awnglan(အောင်လံ) ah ralhrang uk duhlo langhter in lamzawhnak a tuahtu mipi hna cu ralhrang phu nih an kah hna. Kah an tonnak hmunhma ah ralhrang lei ruh-siibawi (specialist) bu-hmu telh in minung 6 nih zulh mi motor pakhat cu January 11, zaan suimilam 11 ah aa let i, bu-hmu telh in minung 4 an thi tiah khua mi nih Khit Thit Media ah an chim.

Magway ramṭhen Tayat (သရက်) pengkomh Awnglan (အောင်လံ) Tayawkung(တရော်ကုန်း) sang, Awnglan (အောင်လံ) palik sakhan hmai ah January 11, zaan suimilam 11:00 hrawng ah Mingalardung(မင်္ဂလာဒုံ) medical university in bu-hmu telh in a chungkhar minung 6 nih zulhmi motor cu aa leh caah bu-hmu telh in minung 4 an thi. Cu motor aa lehnak hmunhma cu ralhrang nih lamzawhnak a tuahtu mipi meithal in an kahthahnak hna hmunhma a si, tiah theih a si.

“January 11, zaan suimilam 11:00 luan hrawng ah ralhrang kuttang um ruh-sibawi (specialist) cu a chungkhar he, an dihlak minung 6 cu motor in Meihthilla (မိတ္တီလာ) ah an kal. Cu motor cu Awnglan (အောင်လံ) palik sakhan hmai lamkam thingkung ah aa pah. Cuka hmun cu Awnglan (အောင်လံ) mipi hna nih ralhrang uk duhlo in lamzawhnak an tuah lio ah ralhrang phu nih meithal in an kahthahnak hna hmunhma a si. Cheukhat nih an chimnak ah cun motor mawngh lio ah pakhat khat a hrialnak ruangah lamkam thinkung cu a pah,” tiah Awnglan (အောင်လံ) khua mi pakhat nih a chim. Motor chung ah aa citmi minung 6 chung ah minung 4 cu an thi i, a dang 2 zong an i khawnning a fah caah an zualhma ngai tiah theih a si. Khit Thit Media.

 

Crd: The Chin Post

Author: admin

Leave a Reply

Your email address will not be published.