Loikaw Khuapi Thong Inn Pawng Ah Mipi Veng Tu Nih Ralhrang Pawl An Luh Hnawh Hna

Kaya ramkulh Loikaw khuapi, Daw Uh Khu sang, thonginn pawngkam ah umnak sakhan tuahtu SAC ralhrang ralkap hna cu luhhnawh in an kah hna caah SAC ralhrang ralkap pathum (3) an thi tiah mipi vengtu DMO-PDF nih zaan ah cathanh an chuah hi a si.

Kum 2022 January 12 zinglei suimilam 11:30 thawkin zanlei suimilam 1: 00 tiang kahdohnak caan a rau i, KDF le Gz 21 hna i fonhin an kah hna hi a si. SAC ralhrang ralkap leikap nih hriamngan hmangin vawi tamtuk kahdohnak a tuah pinah vanlawng tiang hmangin kahdohnak a tuah tiah cathanh an chuahmi ahcun an langhter.Kum 2022 January 12 kahdohnak ah hin nawlngeihnak latu SAC ralhrang ralkap pathum (3) an thih pinah hliam tuarmi cheukhat zong an um hna i, mipi vengtu leikap ah hliammi umloin himdam tein an i zukphiak khawhnak cu cathanh an chuahmi ahcun an langhter.

Daw Uh Khu ah ni hnih chung kahdohnak ah hin SAC ralhrang ralkap leikap (8) an thih pinah hliam tuarmi an tam ngai tiah cathanh an chuahmi ahcun an langhter.Cupinah January 7 thawkin Loikaw khuapi chung kahdohnak tuahtu SAC ralhrang ralkap cu nifatin tein a thimi le hliammi an tam chinchin tikah raltuknak vanlawng le helikopter hna hmangin kahdohnak a tuah nain anmah ralhrang ralkap leikap ah a thimi le hliammi an karh chin.Ref: People’s Spring

Crd: The Federal Times

 

Author: admin

Leave a Reply

Your email address will not be published.