KNDF Le Ralhrang Kah Doh Nak A Fak Tuk Caah Ralhrang Lei Nih Jet Le Helicopter An Hman

Karenni ram, Loikaw khua, DawUhKhu le Minelung sang cu nihin January 12 zanlei suimilam 4:45 hrawng ah raldonak helicopters in an kah, tiah KNDF sin in thawng theih a si. KNDF rianngeitu pakhat nih, “Helicopter pahnih in an ra, pakhat cu vanlawng ṭumtual ah a ṭum. Tlawmpal ah a rak zuang ṭhan i DawUhKhu le Minelung sang cu a kah. Khoika hmun dah an kah mi bomb nih a tlak cu fiang in kan thei rih lo.

Khuachung zong ah KNDF le ralhrang an i kah lio a si. Kaphih in a thi mi an um le um lo kan thei kho rih lo. Nizan zong ah Jet in an kan kah, anmah lei ralkap tu a khen hna i an thi,” tiah Yangon Khit Thit media ah a chim.Nihin zanlei in DawUhKhu sang ah kahdohnak aa thawk i khua mi zeimawzat zong an zaam tiah theih a si.

Khua mi pakhat nih cun, “DawUhKhu sang ah i kahnak a fah tuk caah sang ning in kan zaam dih. Ralhrang pawl cu inn dot a saannak ah an um. I kahnak a faak ngaingai,” tiah a chim. Nizan zanlei ah ralhrang nih Jet pahnih in bomb an thlak. Nizan kahdohnak ah ralhrang 20 an thi i a nung in pathum an tlaih hna. KNDF nih Hriamnam zong tampi kan laak khawh, tiah thawng an thanh.

 

Crd: The Chin Post

Author: admin

Leave a Reply

Your email address will not be published.