Chin Ram Chung Kahdoh Nak A Lin Sa Chin Ralhrang Thi Mi An Tam Cang

Chin ramkulh, Mindat le Matupi peng kar le Wai Bo Lah(ဝေဘူလ) khuapi pawng ah CDF le ralhrang kar ah January 11 ni ah kahdohnak a um. Ralhrang 22 an thi, tiah CDF ralkap phu hna nih cathanh an chuah. January 11 ni chun suimilam 12:00 ah Chin ramkulh, Mindat-Matupi khuapi karlak meng 36 hmun ah ralhrang phu le CDF hna kar ah kadohnak a um i ralhrang phu nih hriamngan phuntling hmang in an kah hna.

Matupi khuapi lei ah a kal mi ralhrang mawtaw run cu Matupi-Mindat karlak meng 42 hmun ah CDF-Mindat nih an bawh i an kah hna, ralhrang 4 an thi.Cu pinah bomb in an puah ṭhan hna i ralhrang 3 an thi chap tiah CDF-Mindat nih a chim.

Cu bantuk in January 11, zing suimilam 9:00 hrawng ah Chin ramkulh chaklei, Falam peng Wai Bo Lah(ဝေဘူလ) khuapi pawng ah CNDF hna nih an hmanh mi bomb cu ralhrang phu nih an i lamh i, a hliam mi le a thi mi an tam. Hliamhma a pu mi ralhrang pawl cu CNDF nih zanlei suimilam 2:00 hrawng ah an kah chap hna i ralhrang 15 an thi chap tiah CNO nih cathanh a chuah.

 

Crd: The Chin Post

Author: admin

Leave a Reply

Your email address will not be published.