Nikhat Chung Ralhrang Zakhat Leng An Thi Thawng Pan Tha Chin Leng Mang Ko

Ralhrang uk duhlo in doh an tonnak ruangah January 9, nizan nikhat chung ah ralhrang phu chungtel minung 102 an thi, minung 4 cu an nun bu in tlaih an si, tiah NUG nih cathanh a chuah. Atu ah NUG nih cathanh an chuah mi nakin a tak ah ralhrang phu a thi mi an tamdeuh kho, nikhat chung ah hliamhma tuar mi ralhrang phu cu minung 36 an si, tiah an langhter.

Hramhram nawlngeihnak latu ralhrang phu hna nih hramhram in mizapi an doh hna i an thah hna caah mizapi nih humhimnak ding caah mah tein i runvennak nawl People Defensive War tiang tuah a si.Myanmar ramchung mizapi hna nih ralhrang uknak le nawlngeihnak cu a dihdongh tiang doh in le federal democracy hmuh khawhnak ding ca ah dai tein ralhrang uk duhlo langhter le cawlcanghnak hna cu hmunkip ramthen le ramkulh hna nih an langhter cio.

Nizan nikhat chung lawng ah mizapi nih ralhrang uk duhlo langhter in kahdohnak cu Pako ramthen, Taningtari ramthen le Yangon ramthen hna ah voi 1, Magway ramthen le Mandalay ramthen ah voi 2 le Sagaing ramthen ah voi 8 ti in a chuak, tiah NUG nih cathanh an chuah. DVB

Crd: The Chin Post

 

Author: admin

Leave a Reply

Your email address will not be published. Required fields are marked *