Matupi Peng Ah Ralhrang Nih Sualnak Ngeilo Chin Mi An Thah Mi Hna Chung In Pakhat Cu A Hnawng An Hleh Piak

Chin ramkulh, Matupi peng ah journalist pakhat le kum 13 ngakchia pakhat telh in khua mi minung 11 cu ralhrang phu nih lamhmuhsaktu ralphaw ah an hman hna hnu ah an thah hna, tiah CDF-Matupi le khua chung mipi hna sin in theih a si.January 6 thawk in Matui-Hakha lampi Kilun khua le Lunghlaw khua karlak ah ralhrang phu le CDF phu kar ah faak ngai in kahdohnak a chuak. Nawlngeihnak latu ralhrang phu hna nih Kilun khua le Lunghlaw khua karlak khualtlawng mi 8 le, zanlei sang ah Kasae khua in Kilun khua lei ah dat-sii cawk ding in a kal mi minung 1, cun January 7 ah Bawithia khua in Kasae khua lei ah a kal mi khua mi minung 2 cu ralhrang phu hna nih an tlaih hna, tiah theih a si.

Tlaih a tong mi minung 11 hna cu ralhrang phu nih ralphaw ah an hman hna i January 8 ah an thah hna, an ruak cu zohawk tlak lo tiang in an tuahto hna, tiah CDF-Matupi nih an langhter.Ralhrang thah a tong mi hna chung in journalist pakhat cu Khonumthung thawngzamhnak media dirhtu zong si mi, Editor-in-Chief riantlaitu Pu Tuidim a si, tiah Khonumthung thawngzamhnak nih phungning tein an langhter.Ralhrang kut in thah a tong mi minung 11 hna cu:- 1. Pu Tui Dim 2. Pa Lee Nang3. Steven4. Mamar Pa5. Pu Va Htoo6. Pu Puhpa Sali7. Pu Tinsa8. Pu Lian Ngai 9. Pa Thak Lung10. Puhpa Vatthoo11. U Sali hna an si.Ralhrang nih nawlngeihnak an laak hnu in Chin mi chung in minung 160 renglo nih mual an kan liamtaak cang.

Kum13 hngak chia pa cu Ralkap nih a hngawng an hleh tiah Irrawaddy nih a tial. According to Irrawaddy, a 13-year-old boy had had his throat cut. Thil sining a theihmi (nain fehtermi cu a silo), ngakchia pa le a dang pakhat hi rawl eiding chanh ah a va kalmi an si i, an kalnak ah Kawl Ralkap he ton in an tlaih behmi si dawh si tiah, an chim. A dang an tlaihmi le thahmi hna zong an hrem hmasa hna, an kutleh in hri an tem hna, an pum ah meithal kawk in soknak le tukvelnak a um lawng a si lo in, meithal kahnak hma zong an a um.

 

Crd: The Chin Post

 

Author: admin

Leave a Reply

Your email address will not be published.