Matupi CDF Nih Ral Hrang Pawl Cu Mipi An Thah Mi Hna Ruang Ah Leh Rulh An Cham Hna Dan Cu Uar An Um Kho Tuk

Nihin January 10, chunhnu suimilam 3:00 hrawng ah Matupi-Paletwa lam cung ah a um mi Kha-Ma-Ya 304 ralhrang hna cu Matupi-CDF nih mine an puahhnawh hna i ralkap 3 an thi, hliamhma a pu mi an tam, tiah CDF-Matupi nih thawng an thanh. Mah lawng siloin January 7 le 8 ah Thaebawi(ထယ်ဘွေ) sakhan cu CDF-Matupi nih an kah hna i ralkap 2 an thi, tiah an thanh chap. Cu kahdohnak hna ah cun CDF-Matupi cu hliamhma pu lo tein hnu kan kir kho than tiah an thanh. Ralhrang nih phungning loin an rak thah mi, khua mi 10 hna caah lehrulh kan cham mi a si, tiah an thanh chap.

Thawng Pang Dang : Karen ram, Hpa-an chung ah nihin, January 10 ah ralhrang nih checkhlatnak an tuah mi gate cu phu pakhat nih an kah hna i palek 2 le BGF 1 an thi, tiah Hpa-an News theitu pakhat nih Yangon Khat Thit media ah a chim. January 10, zanlei suimilam 1:40 ah Hpa-an khua i Thi-pho-ka-lung-ka gate cu min theih lo phu pakhat motor in an ra i, gate man an pek hnu ah gate hngaktu an kah hna i, BGF 1 le Palek 2 an thi tiah theih a si.

Hpa-an khua Ministry of Irrigation pawng ah January 10, suimilam 2:06 ah bomb a puak i motor pakhat le cycle pakhat an rawk, minung pakhat a thi tiah kan theih. “Bomb puah thawng cu a thang tuk, kan inn zong a tlerh dih. Bomb puahnak lei ah meithat motor pahnih an kal cu ka hmuh. Bomb puah hnu cun lam ah checknak a tam cang, aho hmanh inn leng ah kan chuak ngam lo,” tiah Hpa-an khua mi pakhat nih a chim. A thi mi cu aho dah an si, kan thei kho rih lo tiah a chim chap.

 

Crd: The Chin Post

Author: admin

Leave a Reply

Your email address will not be published. Required fields are marked *