Kayin Peng Le Sangaing Peng Ah Ralhrang Nih Helicopter Hmang In Khua Chung An Kah

Kayin ramkulh, Kawgayait peng cu ralhrang phu nih helocopter 2 hmang in an kah hna, tiah khuachung thawngzamhnak hna nih an langhter. Nihin January 10, Chunhnu suimilam 2:15 hrawng ah ralhrang phu nih helocopter 2 hmang in Kawnuait khua cu an kah, tiah khua mi pakhat nih a chim.

Cun, Kayin ramkulh, Myawady peng Laykaegaw hmunhma, Thimeh Wakhi le Phaloelay ah nihin January 10, zinglei suimilam 11:00 hrawngah ralhrang phu hna le PDF phu kar kahdohnak a chuak tiah theih a si. “Kanmah zong atu hi khor chung ah kan i thup, kahdoh thawng cu a dai cang. Ralhrang phu cu Phaloelay lei hmunhma ri lonh ah an um caah kahdohnak a chuak. Phaloelay cu DKBA lei a si caah mizei phu he dah an i kahdoh cu kan thei lo,” tiah khua mi pakhat nih a chim. Khit Thit Media

Sagaing ramthen, Pale Peng, Oo Nauk khua cu January 10, nihin zing suimilam 11:00 hrawng ah ralhrang nih cunglei in an kah hna, tiah khua mi hna sin in theih a si. Atu bantuk in an kahnak a ruang hi Pale PDF ralkap hruaitu an um lai, ti ruahnak he a kah mi a si kho, tiah khua mi hna nih an chim.

“Helicopter nih a kahnak khua ah hin ka um lo. Keimah cu SaLinKyi peng chung ah khual ka tlawn pah in ka phaan. An him dih ko,” tiah Pale Bo NaKaa nih a chim. Atu bantuk in ralhrang nih an kah hna ruang ah a himnak hmun ah mizapi cu kan zaam i a hliammi le a thi mi  zong an um kho, fiang tein kan thei kho rih lo, tiah khua mi hna nih an chim. DVB

 

Crd: The Chin Post

Author: admin

Leave a Reply

Your email address will not be published.