Karenni RamChung Ah Ralhrang Pawl An Ruak In An Phawh Hna

Karenni ram chung ah ralhrang nih an umnak ding a Ngiathlaitu pawl an ruak in an phawh hna i, ṭha tein an vui hna, tiah KNDF B-09 nih thawng an thanh. January 10, zinglei suimilam 8:45 ah KNDF B-09 nih hmunhma a himnak an ngait lio ah an rak thi, tiah ruah mi ruak pahnih le hriamnam pawl cu an laak khawh tiah theih a si.

Cu ruak an hmuh mi pahnih cu KNDF B-09 nih nihrin covo upatnak he ṭha tein an fimhlawm hna i, an ruak an vui hna, tiah theih a si.

THAWNGPANG DANG: Yeoo Ah Ralhrang Minung 50 Hrawng Rah An tong, 10 nak Tlawmlo An Thi; Sagaing ram, Yeoo peng chung ah ralhrang minung 50 hrawng cu Area-21 Network phu nih January 10 zinglei 8:00am ah an kah hna tiah theih a si. Yeoo peng, Nattharchiang khua pawng ah an kah hna, tiah Yeoo-PDF chimphuannak nawn ngeitu nih a chim. “Ralhrang pawl cu a thlithup in kan kah hna i 10 nak tlawmlo an thi tiah kan ruah. Kanmah lei cu ram chung umkalnak lam kan theih deuh caah a thi mi kan um lo,” tiah a chim. Area-21 Network, Depeyin-PDF le Depeyin Pa-ka-pha phu thum fonh in kan kah hna a si, tiah a chim chap.

Author: admin

Leave a Reply

Your email address will not be published.