Sagaing Ramthen Yinmapin Peng Chung Ah PDF Nih Nih Ralhrang Motor Sawmnga Leng Mine An Puah Hnawh Hna Ning Cu Lung A Hmui Lawlaw

Sagaing ram, Yinmapin peng chung ah ralhrang motor 50 nak tlawmlo cu PDF nih January 8 le 9 ah mine an puahhnawh hna i ralkap 20 nak tlawmlo an thi. Ralkap nih Kyaesaciah khua le Ongtungpin khua cu mei in an khangh, tiah theih a si. January 8 ah Yinmapin in aa thawh mi ralhrang motor 50 nak tlawmlo cu Phowin(ဖိုဝင်) tlang in nichuah lei Inncin khua lampial ah Salin-PDF nih mine an puahhnawh hna i motor 4 a khen caah mining 15 an thi, tiah theih a si.

Mine in an puahhnawh mi hna motor cu Ttipinkan ah zaan an riak i January 9 ah an i thawh ṭhan. 16 Kuhtin pawng an phak ah Salin-PDF nih mine an puahhnawh ṭhan hna i, motor pathum an khen ṭhan, a thi mi pazeizat an si fiang in theih khaw a si lo.

Dungtaw khua phak lai Yama hlei ah PDF nih an hmanh mi bomb hrawk ding i a kal mi ralkap pathum cu mine hmanhnak chung an phak ah, mine nih a puahhnawh hna i an pathum ning in an thi, tiah theih a si. Cu bantuk in mine puahhnawh an ton caah ralhrang nih Ongtungpin khua le Kyaesaciah khua inn pawl cu mei in an khanghpiak hna, tiah khua mi pakhat nih a chim. Khit Thit Media

 

 

Crd: The Chin Post

Author: admin

Leave a Reply

Your email address will not be published. Required fields are marked *