Hakha Khuapi Rungtlang In Ralhrang Pawl Nih Hriam Ngan Hmang In An Ruah Nak In An Kah Caah Mipi Ai Hliam Mi An Um

Nihin, 2022 January 9 ah Council ralhrang nih Rungtlang in hriamnam ngan an kah mi cu Hakha Peng, Nabual khuachung ah a tla i nu pakhat bomb ci nih a peh ca ah hma a pu tiah thawng kan theih.

Bomb hi Hakha Rungtlang in an rak kah mi a si. Nihin lawng ah hriamnam ngan an kah mi hi a tlawm bik zuun 20 cu a si lai tiah Hakha khuachung mi hna sin in kan theih. Thawng kan hlat ning ah, “Nihin zaanlei sang in bomb puah thawng a thang. Hriamnam ngan an kah mi hi Hakha peng Nabual khuachung ah a tla. Bomb a tlaknak hi vok inn chung a si i bomb ci nih nu pakhat a peh,” tiah min langhter lo mi pakhat nih The Hakha Post ah a chim.

Tukar hrawng hi Hakha khuachung ah tlaih le khih a chuak ngaingai. Cun Council ralhraang hna zong khuachung i chawk in mi chekhlatnak an tuah peng tiah theih a si.

 

Crd: The Hakha Post

Author: admin

Leave a Reply

Your email address will not be published.