US Ralbawi Hlun Le Asia Pacific Center for Security Studies ah Professor Asimi Dr Mie Mie Winn Byrd Nih Tang Lei Ban Tuk In Kawlram Kong A Chim Mi Cu Lung A Hmui Kho Tuk E

Kum 2022 chungah hin Myanmar ram ah ramkhel thlennak a um lai tiah US ralbawi hlun le Asia-Pacific Center for Security Studies ah Professor a simi Dr. Mie Mie Winn Byrd nih a chim. DVB he biaruahnak ah Dr. Mie Mie Winn Byrd nih cun “Kum 2022 chung a rauh hlanah turning point kan phan lai. Zeitik thla ti le khoika ah ti cu ka chim kho lo. Asinain 2022 chungah turning point kan phan hrimhrim lai ti hi ka hmuhning a si. A ruang cu mizapi lei dirhmun a ṭha chin lengmang i SAC lei dirhmun a chia deuhdeuh, cucaah 2022 ah turning point kan phan lai ti ka zumh” tiah a chim.

Cu lawng si loin “Ralhrang bu cu an tanglei in thawngpang diklo an pek hna caah thildik an thei kho lo, cu pinah ralhrang cu minung thazaang an tlawm tuk. Hriamngan lawng i bochan ral an do. Karenni, Sagaing le hmun cheukhat ah uknak rian (administrative) tam deuh cu tualchung hriamtlai hna nih an tlaih (Controled) khawh ngai cang tiah ka theih. Hmun tampi ah ralhrang nih ṭuan ding an ngei ti lo” tiah Dr. Mie Mie Winn Byrd nih cun a chim fawn.

Ralhrang nih an duh tawk in mizapi sersatnak le thahnawnnak tuah hmanh hna sehlaw mizapi lungthin ah democracy an duhnak a fak chin lengmang, thla tampi a liam cang nain a ṭum kho lo. Myanmar mipi hna nih democracy an i thimmi cu upat awktlak an si i tukum chung hrimhrim ah mizapi nih democracy uknak nan hmuh ṭhan khawh nakhnga thla kan campiak hna tiah US ralbawi hlun le Asia-Pacific Security Studies ah Professor a simi Dr. Mie Mie Winn Byrd nih cun DVB he biaruahnak ah a chim. Ref: Public Voice Television

 

Crd: The Chin Post

Author: admin

Leave a Reply

Your email address will not be published.