Mandalay Ramthen Hluatthaw Zung Pi Kutka Hngah Nak Ah Bomb A Puak I Ralhrang Bawi Telh In A Thi Mi An Um

Mandalay khuapi, Aung May Tha San (‌အောငျ‌မွေသာစံ)peng um Mandalay ramthen Hlutthaw zung kuttka hngahnak ah, nihin zinglei ah puahkehnak a um i reng sang pakhat tel in ralhrang 3 an thi kho, tiah khua mi hna le a hmunhma thawnglatu phu hna nih an chim.

January 8 zinglei sml 8:15 ah Aung May Thar San (‌အောငျ‌မွေသာစံ)peng, Hlutthaw zung Kutka hngahnak ah bomb a puak, a voikhat nak a puah hnu in ralhrang hna nih hlatnak an tuah lio pi ah a voihnihnak a puak than i, a rengsang ngai mi ralkap pakhat tel in ralhrang 3 cu an hliamhma a faak ngai i an thi kho, tiah a hmunhma um thawnglatu hna nih an chim.

A hmunhma ah a um mi thawnglatu hna lak i an hruaitu pakhat nih cun, “Ralhrang 3 a thi kho dirhmun in an um. A voi 2nak a puak mi bomb nih a hliamh hna. A voikhatnak a puah lio ah cun minung a hliamh hna lo. A voikhat a puahnak hmun zohfelnak an tuah lio ah bomb cu a puak than i ralhrang 3 hliam an tuar. Ralhrang aa hliamh mi hna zong an faah tuk caah khua chung hmunkip ah zohfelnak an tuah. Ralhrang hna nih hmantlak i ken in hmantlaknak he zohchih in hlathlainak cu an tuah,” tiah a chim. Khit Thit Media

Crd: The Chin Post

Author: admin

Leave a Reply

Your email address will not be published.