KNDF Le Ralhrang Kah Doh Nak Ah Ralhrang Helicopter Zong Tlalak In An Kah Piak Hna Leng Ah Ralhrang A Thi Mi An Tam

Nihin January 8, chunhnu sml. 2:00 in zaan sml. 8:00 tiang hrawng Kaya (Karenni) ramkulh khualipi Lwaikaw ah kahdohnak fak ngaiin a chuak i SAC ralhrang a tlawm bik 30 an thi, tiah Kayin hriamtlai KNDF nih tu zaan ah thawngpang an chuah.

Zaan sml. 8:00 hrawng ah SAC ralhrang Helicopter pakhat cu KNDF nih an kah i Lwaikaw khua pawng Dawmu-Kalar khuate pawng ah a vung tla. Ralhrang Tank pakhat zong kaang lak in an kahpiak chap hna.
SAC ralhrang a thimi hna meithal 11 zong KNDF nih an lak i ralhrang lei in hliamhma a pumi an tampi, tiah an langhter.

Nihin kahdohnak ah SAC ralhrang lei nih vanlawng pahnih le helicopter pakhat an hman chih.
Aralaimi nicaan chung ah kap hnih kahdohnak a fah chin lai caah mipi ralring tein um ding in KNDF nih theihternak zong an tuah.

Author: admin

Leave a Reply

Your email address will not be published. Required fields are marked *