January Thla Ni Thum In Ni Nga Tiang Inn Kang Thawng Pang Thar

Tunai nithum chung January 3, 4 le 5, 2022 ah Chin ramkulh Thantlang khua chung mipi umnak inn hna cu nawlngeihnak latu ralhrang phu nih an khangh than caah nithum chung lawng ah inn 123 cu vutcaam ah a cang, tiah Thantlang Affairs Committee nih cathanh an chuah.

Ralhrang phu nih Thantlang khua chung Biakinn zong hrial lo in an duhnak hmun poh an hrawh, an khangh. Cu inn khanghnak ah cun Biakinn le Biakinn quarter, JMBC Biakinn quarter hna zong khanghpiak chih an si tiah theih a si. A luancia kum 2021, September thla in December thla tiangah nawlngeihnak latu ralhrang phu nih Thantlang khua chung cu voi 18 tiang mei in an khangh i, Biaknak he aa pehtlai mi inn 28 telh in minung umnak inn 690 cu vutcaam ah a cang dih, tiah theih a si. Zalen

THAWNGPANG DANG: Yesakyao Mytel Zung Security Ralhrang Kahdoh An Tong; Yesakyao (ရေစကြို) khua Ma-Oo-taith(မအိုတိုက်) phungki sianginn tual chung ah a um mi Mytel zung ah security hngak mi ralhrang phu hna cu nihin January 8, zinglei suimilam 1:00 hrawng ah kahdoh an tong, tiah Yesakyao(ရေစကြို)-PDF nih an langhter. Ralhrang phu le mizapi vengtu ralkap phu kaphnih kar kahdohnak cu minutes 10 hrawng an rau i ralhrang lei in minung 1 a thi, hliamhma tuar an tam, tiah theih a si. Cun, mizapi vengtu ralkap phu lei cu hliamtuar um lo tein hnulei ah an kir kho than, tiah Yesakyao(ရေစကြို) mipi vengtu ralkap People Defense Force Yesagyo nih cathanh an chuah. Than Lwin Khet

Author: admin

Leave a Reply

Your email address will not be published.