Chinram Kulh Chung Hmanh Ah Hakha Le Thantlang Peng Chung Kan MP Cheukhat Pawl CDM Bawmhnak Phaisa Konghe Pehtlai InBawmhnak Phaisa Tlaitu Ah Rian An Sok

Acung lei ah tlang kan tar mi kongah cherhchan fiang tein kan neih dih! Chinram kulh chung hmanh ah Hakha le Thantlang peng chung kan MP cheukhat pawl CDM bawmhnak phaisa konghe pehtlai in,bawmhnak phaisa tlaitu ah rian an sok.MP an rak si bantuk in an sok mi rian cu upat nak he pek an si taktak.asinain in tuchun tiang bawmhnak phaisa an pek ning kongah kan lung a tling lo.

Aruang, Hakha le Thantlang peng hnih chungah Ralkap le Palek lawng hlah e! a cozah ria t’uantu hna le inn lo kaang mi bawmhnak tiang in bawmhnak vialte an mah kut ah rian khinh an si bantuk in form an kan phit ter.Palek,Ralkap,Inn kaang mi chungkhar,Cozah rian tuan in CDM tuahtu vialte nih bawmhnak a lam kip in hal khawh a si.Harsat tuk tik ah cu bawmhnak cu harsattuk ah cun ningzah hmanh hngal lo in rak dot hlat le sioh cio a si bantuk in bawmhnak tlaitu hna cu rak pehtlaih cio an si.micheu nih bawmhnak a tlaitu a si ko tiah fiang tein kan theih mi hna a min le a khua le a rian tiang kan theih mi cu kan rak pehtlaih hna tik ah,kei cu mah rian he cun ka pehtlai lo tiah an kan leh pin ah na inn cu a kaang taktak maw tibantuk zoh dawh lo le ngaih nuam lo in an kan leh i bawmh nak form zong an kan pe duh loh!

 

Cun, an mah rualchan deuh le micheu cu bawmhnak ramri an khiah mi leng tiang in bawmhnak phaisa an pek mi hna hi zeidah a ruang a si?bawmhnak a co tu hna hi 100 persent ah 20 persent tluk hmanh nih kan ting co loh!vawlei cung killi um Chin miphun le Chin miphun zawn ruattu miphun dangdang hna chim lo,a ing tuartu ca ko ah a fak!kei mah pumpak caah cun ka tinco lo hmanh a poi ka ti loh!asinain rian nan pek mi hna le rian nan khinh mi hna MP pawl nih mihar bawmhnak duh paoh in khuasak nak ah an hman mi cu hruaitu/lutlai nih rak kan ruah piak t’han hram uh tiah kan nawl hna.

Note; A cunglei konghe pehtlai in Capar kan tar mi hi Thantlang CDM tuahtu pakhat nih a ton mi konghe pehtlai in cherhchan le tehte felfai tein a langh hnu ah tarlangh mi a si.a chim bantuk in ningcang tein rian an t’uan lo ah cun an min fang kheh pin ah an khua le a tu an um nak khua le ram tiangin tarlangh an si lai.

Author: admin

Leave a Reply

Your email address will not be published.