Thawng Pang Tha Taktak Si KNU Le Ralhrang Kah Doh Nak Ah Ralhrang Lei Thi Mi An Tam Hlei Ah KNU Lei Ai Fonh Mi An Tam

KNU hmunhma Mutraw District ah Jan 6 ah SAC ralkap pathum hna cu an hriamnam tling he KNU brigade-5 sinah an i fonh ṭhan tian Mutraw News nih a ṭial. Lu Taw peng, Sawmu Palaw hrambunh SAC ke-ralkap khah-mah-yiah 439 in Aung Min Khaing (kum 29), Min Thein Than (kum 22) le Than Htway (kum 21) hna cu an umnak hmunhma uktu KNU Brigade-5 pehtlaihnak tuah in an sinah an i fonh tiah Mutraw News nih cun a ṭial.

KNU/KNLA Brigade-5 in ṭuanvongei pakhat nih “An sakhan ah ti le rawl an ngei ti lo, hmundang in tirawl i chanh ding le a fawi lo, cu pinah an sakhan hruaitu hna nih an sersat tuk hna, cucu an tuar khawh ti lo caah an hriamnam he kan sinah an i fonhnak a si. An rak i fonhnak cu an chungkhar hna he i hmuhton ṭhan an duh caah a si. KNLA zong nih a si khawh chungin kan bawmh hna lai. Ṭha tein kan zohkhenh ko hna lai” tiah a chim.

An hriamnam hna cu meithal zun 3, kuanbawm 12, mobile 2, kut hlonh bomb 1, kuan ngai le a dangdang hna an si. SAC ralkap pathum lak ah pakhat nih cun KNLA nih ṭha tein an zohkhenhmi hna ruangah an sinah lunglawmhnak bia a chim.

Nawlngeihnak lak ni Feb 1, 2021 in Jan 6, 2022 tiangah KNU/KNLA sinah aa fonhmi SAC ralkap 50 an tling cang i cu hna chungin a tam deuh cu raldoh tlangtlaknak (စစ်ဆင်ရေးကွပ်ကဲ မှုဌာနချုပ် -စကခ-၈) tang i a ummi an si tiah theih a si. Ref: Karen News Information (KIC)

Crd: The Chin Post

Author: admin

Leave a Reply

Your email address will not be published.