Ralhrang Rallokap He I Hawikom Cu Asikhawh Hrimhrimlo Tiah Amay Suh Nih Tehte Akhan Cang

NLD Cozah Chan, Kum (5) chung ah, Amay Suh cu MAH le Rallokap he 100% aa komh. National Reconciliation timi “I Remhthannak” Policy in akal. Democracy tlamtlin ter le Rule Of Law (“Upadi Cung ah Ahohmanh Umlo ding” ) ah thazang a pe khawh ve tilo. Tlangcungmi Federalism, Equality, Equitity, Self Determination cu hnuchit a tawn bak ve. Hnawm dur ah chiah asi i locul bang hnawn asi ve. Aruang cu: Rallokap thinlung merh khawh nak caah Amay Suh nih aa zuam i, Dotlami Democracy thlen awk kha aa zuam caah asi. Cu caah Rallokap he zaa ah zaa, aa kawp nak cu asi. Mipi Cozah Chan tiah kan kawh mi hi, Theory ning incun aa palh cikcek. National Reconciliation Government / Rallokap he aa hawikom bak mi cozah ti awk khi asi deuh hnga.

Nobel PEACE Prize timi Nobel Dindaihnak Laksawng acotu arian cu; Genocide le Nuhrin covo lei ah dirh in, khumzual awk kha asi. Genocide timi Cihmih thahnawnmi miphun lei ah thih tiang in tanh awk kha asi. Amay Suh nih MAH le Rallokap lei ah a tanh i, ICJ tiang in a khumzual hna. Vawleipi theihhngalh in MAH le Ralbawi Luzik hna cu a chanchuah hna. Papa i Ralkapbu hna le afale rual ansi, MAH le Ralkap Bawizik rual tazacuainak asilo, Kawlrampi tazacuai asi tiah a merh diam. Laksawng tampi zong an chut than. Nobel Peace Prize cu an chut than lo. Ahohmanh kan chut than bal rih hna lo, anti. Nuhrin covo ah abiapibik mi mi vialte kan i khat dih timi kha a duh lo i, Rohingya min kha a cohlan khawh lo caah, vawleipi arko in a tuah dih hna. Achan cu: Rallokap he kaa hawikomh lawng ah Kawlram ka khamh khawh lai timi Political Ideology le Philosophy in an kan kal pi caah asi.Amay Suh ruangah siloin MAH le Rallokap an thatlo tuk caah asiko.

Paucaan Dothlennak hram aa thawk tikah, NLD thazang a dernak Tlangcung mi nih linsa ngai in an thawk hmasa. Sandahpiah buin, Lai meithal in, Rallokap le Police kap hmasattu cu, Chinmi kansi. (Kalay Chin Le Mindat Chin).CDMers he Hriamtlai Dothlennak he Tlangcung miphun nih an thawk hmasa. NLD nih an thawk hmasat khawh tilo. Aruang cu an hawikom Rallokap nih Titsa a phoah caah, Arko in an um i, zeituah awk an hngalh tilo. Paucan Dothlennak ah, Fidi asimi, GZ authawng le Chunmang cu; NLD he pehtlaih nak acat ti khawh asi. NLD nih hramthawk mi le thithruaimi Dothlennak asi tilo. CRPH a dirh tiang kha cu; NLD he aa sehchih rih. NUG cozah asi bak in, NLD he lamthluan aa dan ngai ngai cang. Rohingya min an cohlan, Genocide kong ah ICJ pehzulh ding, ICC tiang phakpi ding, Argentina Tazacuainak 100% kan cawnglawmh, tiah NUG nih a thanh rih in, NLD le NUG cu aa then bak cang tikhawh asi. 2022 June thla ah khan NLD le NUG cu pum le thlarau aa thenh bang in, aathen cang ti khawh asi. Aruang cu NLD nakin GZ mino le Tlangcung mi nih MAH le Rallokap cu; an dohbik caah asi. Tlangcung mi cu: Kum (70) leng rallokap nih Lal hnawh mi an si caah asi. NUG nih NLD mumal in ka kal ahcun ka si khawh lai lo ti kha a hngalh cikcek. MAH le Zawmelung nih NUG, CDF/ PDF cu Ralhrang an ti ko hna nain, NLD party cu phung ning le Upadi ning in a nung rih ko an ti. MAH nih thimhnak a tuah ahcun, aatel ding mi NLD Luban le member an um tinak asi. Tehte: Kui Phio, Ex Yangon PM. NLD Luban le Upa 150 dengmang nih MAH he i remhnak sen an thuh, Pu Zo Bawi le Pu Sui Thio telin. CRPH, NUG, CDF le PDF cu ralhrang ansi timi tlangtar telin sen an thuh.

Rallokap he i hawikom cu a palh cikcek ti cu Amay Suh nih, Practical in an kan cawnpiak mi asi. Mithmuh kuttongh thil asi. El awk aum lomi thil mangtara asi. Dothlennak can poah ah thong inn ah aum zungzalmi Amay Suh asi. 8888, 1996, 2007 le 22222 Paucan Dothlennak, vialte chungah thong inn ah aum lengmang. Amah pumpak in hruai in a cawlhcang khawh ballo nain, Dothlennak caan poah ah a min a thang chin chin, a cungnung chin chin, A ropui chin chin mi cu Amay Suh Pakhat lawng hi asi ve. Cucaah Tutan Dothlennak hi: NLD le Keimah nih kanmah taa phun ah kan ruah sualnak hnga lo, lam kan hmuhsak hna. Rallokap he i hawikom cu lam a pit mi asi kha an hngalh khawh nak hnga, ZRA, Mara Army, CDF Mara, Dr. Andrew Ngun Cung Lian, Matu Ngun San Aung, Dr. Hmuh Thang, Pu Zo Peng, Dalan, Rallokap Tender tama, Non CDMers, Salai Lungthiltum, Salai Meithal, Laipa Kutzung, Dr. Van Tum, SAC luban le Vuanci hna le USDP Party vialte sin ah, Mithiang Paul Cakuat (Epistle Paul / Pauline Letters) Ai awh in, Keimah Joseph nih, caa kan kuat hna.

 

Crd:Joseph R. Thang

Author: admin

Leave a Reply

Your email address will not be published. Required fields are marked *