Chin Ram Matupi Peng Ah CDF Phuthum Fonh In Kap Hnih Kah Doh Nak A Fak Chin Leng Ah Ralhrang Nih Mipi Ralphaw Ah An Hman Hna

Chin ramkulh Matupi-Hakha lampi nitlak lei ah a ummi Ki Hlung khua le Lung Hlaw khua karlak ah thazaang tampi he a ra mi ralhrang hna cu Chin CDF phu 3 hna nih Jan 6, zinglei 9:15am in an kah hna i Jan 7, zinglei tiang an i kap. Kahdohnak cu a faak chin lengmang i ralhrang nih khuatlawng mi 7 hna cu an tlaih hna i ralphaw ah an hman hna tiah CDF-Matupi nih cathanh an chuah.

CDF-Matupi in chimnak nawlngeitu nih, “Nizan khan kan i kap i zan tiang a si ko, atu tiang ah kahdohnak a fak chin lengmang, atu zong kan i kap cuahmah ko. Ralhrang lei hi thazaang 150 renglo an si i ralhmai hmunhnih in an kan kah. Kahdohnak a faak ngai. CDF lei a thi mi kan um rih lo. Ralhrang lei cu a thi mi an um len ko. Hmunhma zohfelnak kan tuah khawh rih lo caah a zat kan chim kho lo,” tiah a chim.

 

Ralhrang a kaptu CDF hna cu CDF Matupi, CDF Zotung le CDF Lautu hna an si. Nizan ah khan Ki Nung khua in Lung Hlaw khua lei ah a kalmi mi sawhsawh 7 cu ralhrang nih an tlaih riangmang hna i ralphaw ah an hman hna i Jan 7, zinglei tiang ah an thlah rih hna lo tiah theih a si. Ref: CDF-Matupi page, Khet Thit Mediaan 4 zongah khan Matupi-Hakha karlak ah CDF-Matupi le ralhrang kahdohnak a um i ralhrang lei pathum an thi, cu pathum chung ah pakhat cu ralbawi  a si.

 

Crd: The Chin Post

Author: admin

Leave a Reply

Your email address will not be published. Required fields are marked *