Ralhrang Do Tu Dawei Khuami Pakhat Cu Kum Hlei Khua Chung Thong Thlak Ding In Sual Phawt Nak An Tuah

Thanintharyi (တနင်္သာရီ) ramthen, Dawei (ထားဝယ်)khuapi ralhrang uknak duhlonak cawlcangh nak hna ah hruaitu a si mi, Ko Tun Oo(ကိုထွန်းဦး) cu sualphawtnak panga in thong kum 19 thlak ding in nawl an chuah.

December 30 ni ah thong chung biaceihnak zung nih 505(A)(၅၀၅(က)) 19 ( Sah )(၁၉(စ)) 2, 51, 52(A)(၅၂(က)) hna in sualphawtnak phun nga ah thong kum 19 thlak ding in nawl an chuah, tiah DPPN nih a thanh. Ko Tun Oo cu sualphawtnak phun kua in tazacuai a si i, a taang mi sualphawtnak 505(C)(၅၀၅ဂ)), 50, 54( Ngiah) (၅၄(ည)), 302/34 hna cu pehzulh in biaceih ding a si rih, tiah DPPF nih a thanh.

Kum 38 a si mi Ko Tun Oo(ကိုထွန်းဦး) cu Dawei(ထားဝယ်) ah sualphawtnak tambik in tazacuai a tong mi a si i, thongthlak ding in nawl an chuah mi ah thongthlak kum caan a sau bik mi zong a si. Ko Tun Oo(ကိုထွန်းဦး) cu September 24 ah khuathar lam 10-nak zawn a inn ah ralhrang nih an luhhnawh in, tlaih mi a si tiah Khit Thit Media nih a tial.

Crd: The Chin Post

Author: admin

Leave a Reply

Your email address will not be published. Required fields are marked *