Ral A Tu Taktakmi Miphun Ralkap Cu Kan Uar Bak Hna Kan Upat Hna I Kan Tihzah Bak Fawn Hna Nain

Ral an um lonak Camp Victoria hrawng ah hmunhma lak, uniform dawh takmi i hruk, CNA meithal chikhat i hlan in special hman i thlak, Fb ah tar. Cakei tihnung hmanh a a tlaih lai bang Fb ah tuletu ca post lengmang. 24 hours online thut i ‘super hero’ tuan i tim.

A chel ah Mizoram le khuate va kal, CDF ralbawi ti phun in nungak dawhdawh va helh. Dl pathum li hna ngeih ve. Khual tlung sin poah ah thil dang cah loin zuu lawngte cah hmang. Ramdang bawmhnak phaisa tawlrel ah cun vikvak tha bik fawn. Raltuk kal ding ti caan belte ahcun a lu le a paw fak lengmang, ‘atu cu kan naule kal rih ko hna seh, kannih cu Naypyidaw lak tikah kan i thawh ve te lai’ hei ti salam ko. Raltuk bal loin ralbawi a tuanmi pawl hngar nan um eh.

Hibantuk chawng-khu tama pawl nih CDF lubik tlaih nan i tim lengmang ruang ah miphun a daw taktakmi kan ralkap an i nuam tawn lo, nan hmunhma i fiang cang u law a tha ngai lai.Aize! keimah zong cu uniform hmanh kai hruk ngam ve rih tung lo. Ningzah tal thei pah ve tuah ning, keimah luala nakin cun uniform tal an i hruk ngammi hmanh khi an thahnem deuh ko dakaw -raltuk kal bal lo ralbawi an si ko zong ah. Ral a tu taktakmi miphun ralkap cu kan uar bak hna, kan upat hna i kan tihzah bak fawn hna. Nain, vei te pawl khi cu…..

 

Crd: Salai Lung Thli Tum

Author: admin

Leave a Reply

Your email address will not be published.